Sei o que nos figestes... nos últimos 525 anos aprace-se em anunciar-vos que, durante o ano 2009, colaboraremos com a Liga Nacional de Bilharda em várias surpresas que iremos desvendando a medida que se nos vaiam passando pola cabeça. Para ir abrindo boca, os amigos da LNB oferecem-nos este espectacular presente de Reis Apalpador: a curta O Gran Golpe, dirigida polo Suso López e ganhadora de dous prémios na ediçom de 2008 do festival On/Off de Ribadéu. Avante LNB! Remourelhe rulz!

O colectivo cultural Buril e a plataforma Sei o que nos figestes... nos últimos 525 anos vimos cumprido o nosso objectivo: celebrarmos a passagem de ano pola hora atlântica europeia. A festa-gala de fim de ano, celebrada em Burela (pronuncie-se como o faria Rihanna), foi um grande sucesso (ainda que esta palavra nom esteja recolhida no dicionário Xerais, como tinha a bem informar a nossa apresentadora oficial Yolanda Eucalipto):

Beijos a Roberto, Matias, Héctor, Rosalia, David, Rosana, Adrián, Pablo, Inma, Senim, José Miguel e tutti quanti... Burelaos e burelás que com a sua inteligência, humor e sex appeal figérom possível esta grande noite de subversom e esmorga! Freaking for Burela! Freaking for Galiza!

Actualizado a 2 de janeiro de 2009, 15h15 GMT:

Entrevista exclussiva que Roberto Bouça, do CC Buril, concedeu a Xermán Viluba, companheiro nas tarefas informativas de Tele-Varal.

Esta manhá estava eu no salom de beleza, preparando-me para uma noite de réveillon muito especial e desfrutando da leitura do jornal El (in)Mundo. Ao chegar às páginas de televisom, nom pudem conter um berro de alegria. A nossa Maria Castro vai comer as uvas polo horário GMT! A Maria que vimos medrar física e profissionalmente como Paula Barreiro em Pratos Combinados; a que agora triunfa no Império Pequeno como a taimada Jessica de Sin tetas no hay paraíso ("tiene un carácter muy gallego", diria o fiscal do 'caso Wanninkhof') foi a escolhida polo canal Telecinco, junto com o Christian Gálvez (acho que nom é irmao da Francine), para despedir o ano 2008 desde a madrilena Puerta del Sol. Este cometido profissional nom é óbice para que a nossa ruiva favorita se comporte como uma autêntica patriota galega e declare aos meios pequeno-imperiais que ela tomará as uvas "com Canárias", isto é à hora galego-portuguesa. Muito bem, Maria! Contra Espanha e o Capital, "dientes, dientes, que es lo que les jode".

As redactoras e redactores de Sei o que nos figestes... nos últimos 525 anos estaremos esta noite no pub Tira Millas de Burela e no C.S. O Pichel de Santiago de Compostela a brindar pola Maria Castro e por todos e todas vós! Viva Galiza livre, cruel e poderosa! Feliz 2009! Palestina vencerá!

No dia do seu nascimento, 9 do mês corrente, o Xornal de Galicia tirou um Caderno de Lançamento de 96 páginas com a pretensom expressa de “radiografar a sociedade através da opiniom da gente que habita o território”.

Umha das oitenta personalidades às que o neonato Xornal de Galicia pediu a sua opiniom foi o historiador Dionísio Pereira.

A opiniom do amigo Dioni podemos lê-la (entre a da cantora-autora Silvia Penide e a do presidente da Fundaçom Castelao, Dom Avelino Pousa Antelo) na página 52 do devandito caderno, dentro dumha mui visual secçom intitulada Galícia segundo os galegos e sita a rodapé:

“A doma e castraçom de Galiza pola parte dos Reis Católicos tem influência até os nossos dias”

Pode-se dizer mais alto (numha parte mais elevada dentro da página, por exemplo) mas nom mais claro! Mais claro, água!

Um beijinho muito grande para o Dionísio Pereira!

Hoje é dia 28 de Dezembro, considerado por muitas galegas e galegos como Dia da Mentira (isso sim, sob o nome cristão Dia dos Santos Inocentes). Mas já que estamos num triénio descolonizador, seria bom lembrarmos que a apreciaçom está sujeita a umha interessante matizaçom. E é que o Dia da Mentira só é celebrado em 28 de Dezembro «na Espanha e em países de língua espanhola», como bem nos lembra a Wikipédia.

Entom, acho que este dia só pode ser considerado umha festividade galega partindo de um conceito quer de Galiza espanhola (ou Galicia), quer da Galiza como país de língua castelhana. E é que a tradiçom galega (comum aos países lusófonos, anglófonos e até francófonos) assinala como data do enxebre Dia da Mentira o primeiro de Abril, quando «vam os burros aonde nom devem ir».

Porém, como tantas outras tradições autóctones, esta estivo a piques de desaparecer, abafada pola maciça presença mediática da celebraçom dos Santos Inocentes como se do Dia da Mentira se tratasse.

Nom falta quem diga que tendo dous dias para festejar mentiras, melhor do que um... ninguém se opom, e se fizemos piadas e risadas os 365 (ou 366) dias do ano, decerto seríamos mais felizes. Também hoje podemos dizer algumha mentira (que nom seja pesada de mais, do contário seria umha putada), mas com a mente aberta e nom colonizada, sabendo que a dizemos porque nos peta, e nom porque no-lo recomendem do nosso bem-querido país vizinho (Espanha). Festejemos alegremente todos os dias do ano, e deixemos tranqüilos os burros até o 1 de Abril ;-)

O presidente do Irám e o vice-presidente da Galiza

Quem gosta do futebol (e quem, como é o nosso caso, o vê por política) tem hoje um encontro ineludível com a História no estádio municipal de Riaçor, onde a selecçom masculina da Galiza vai enfrentar o Irám. Já sabemos que foi por acaso; a ideia inicial da Direcçom-Geral de Desportos era a de jogarmos contra a anódina selecçom do Chile. Porém, entre a falta de seriedade destes e o excesso de seriedade dos bascos, obrou-se o milagre e finalmente temos um rival que cumpre as nossas expectativas de frikismo. Arde-lhe o Eixo do Mal!

Vai ser um espectáculo comovente ver, no palco de autoridades, o barbado presidente iraniano, Mahmoud Ahmadinejad, e o barbudo vice-presidente galego, Anxo Quintana, cantarem em pé os respectivos hinos nacionais entre berros ululantes e rajadas de Kalashnikov. Tam comovente, que quase nos fará esquecer (nunca perdoar) os melífluos parabéns do Vice à selecçom pequeno-imperial no Campionato Europeu de Futebol.

A nossa plataforma dá o seu apoio incondicional aos actos programados para hoje polas Siareiras Galegas e deseja-vos a todos e todas um jogo bonito. Nom sei como se dirá em fársi, mas vai ser a bomba!

First we take Mondonhedo, then we take Burela. A comarca da Marinha vai caminho de se converter no santuário do movimento subversivo-esmorgueiro (reconstituido). Nesta ocasiom, o colectivo cultural Buril e a plataforma cidadá "Sei o que nos figestes... nos últimos 525 anos" unimo-nos para reivindicar, comemorar e bebemorar a hora galego-portuguesa no início do ano 2009, com uma grande festa de réveillon no pub Tira Millas de Burela. O evento terá lugar a partir das 00h00 (hora galega) do 1 de janeiro de 2009. Ou, o que é o mesmo, às 01h00 no Império Pequeno ou às 23h00 do 31 de dezembro de 2008 em Cabo Verde.

Já podes confirmar a tua presença assinando no Facebook. Os que, com certeza, nom vam faltar som os terroristas pataqueiros da ORA-NH (Organizaçom Revolucionária Armada pola Nossa Hora), que já nos enviou um comunicado: