Continuamos em Sei O Que Nos Figestes... Nos Últimos 525 Anos com as comemorações (e bebemorações) da fundaçom do Reino (Suevo) da Galiza, um feito que aconteceu 1600 anos atrás.

E fazemo-lo com a publicaçom dumha reportagem fotográfica (realizada pola nossa colaboradora Leonor de Bourbon e por mim próprio) nos quatro lugares chamados Suevos que na Galiza há:

Quatro lugares, dous pares de Suevos. Como vedes dous destes lugares (os Suevos situados nos concelhos de Arteijo e Abanha) dam nome às suas respetivas paróquias homónimas (Sam Martinho de Suevos e Sam Mamede de Suevos, respetivamente). Cumpre lembrar neste ponto que a paróquia (a diferença do concelho que, bem como a rede de esgotos, a medicina, educaçom, vinho, orde pública, irrigaçom, estradas, a água da traída, e segurança social, lho devemos ao Império Pequeno) é umha divisom administrativa que devemos aos nossos gloriosos antepassados Suevos (vid. Parochiale Suevorum).

NOTA: Todas as fotos som de Jenaro Jesus Marinhas exceto as feitas no concelho de Arteijo que som de Leonor de Bourbon. As quatro fotos da nossa amiga e colaboradora que hoje publicamos fam parte dumha extensa reportagem fotográfica que será objeto do seu próprio post. Permaneçam atent@s aos seus ecráns.