1486-2011
Eurovisom 2011
Clube de Fãs - Galiza
Começámos?
Caminho a_Teu
19 anos sem Andrés do Barro: Saudade de ti
“Desde los Reyes Católicos han comenzado los castellanos a cargarse pueblos, cuando el gallego no hay quien se lo cargue... ‘”¿Usted de dónde es?”, decían los castellanos, “Yo gallego...”. Y ¡zas! se lo cargaban”.
[Andrés do Barro, em Mundo Joven, 20 de Novembro de 1971. Via A Regueifa].
Em 22 de Dezembro de 1989 a Andrés do Barro tocava-lhe o gordo da Lotaria do Natal. Um dia como hoje, há 19 anos, deixava-nos Andrés do Barro.
Com licença de Dom Pero Pardo de Cela, Andrés Lapique do Barro (Ferrol, 1º de Outubro de 1947 - 22 de Dezembro de 1989) é um dos nossos maiores heróis. Como dizia a tristemente desaparecida VA-CA (Via Anti-Colonial Activa) no seu incendiário coMUUUUnicado #10, publicado precisamente logo após o incêndio da torre Windsor de Madrid, que agora resgatamos:
"Méritos tem de sobra. Foi o maior artista pop galego de todos os tempos. Foi um autêntico precursor da substituiçom simbólica que preconiza a nossa organizaçom. Segundo conta o seu amigo e letrista Xavier Alcalá, Andrés do Barro tinha um objectivo principal na sua vida: varrer do mapa da Galiza o Manolo Escobar"
Em homenagem a Andrés do Barro, 1º de Outubro foi declarado pola VA-CA Dia do Orgulho Neofalante.
De hoje num ano comemoraremos o vigésimo aniversário da morte de Andrés do Barro. E daquela, como hoje, como sempre, sentiremos saudade dele. Saudade de ti.
4 comentários
Andrés do Barro non sabía facer o playback mais foi, como ben fica dito, o maior artista pop galego de todos os tempos.
Propoño un novo concurso de frases para honrar a memoria deste auténtico heroe : "Andrés do Barro non sabía facer o playback mais...
E depois da miña proposta de interactuación ("ao vivo" a poder ser), déixovos unha anécdota.
Cando meu pai era estudante compostelán, fixeron na súa residencia un concerto en galego con tintes trovadorescos como na época era costume. Ao rematar, estiveron a falar sobre o rexurdir da música en galego, sobre os collóns había que ter, déronlles ánimos e tal... Meu pai entón preguntou moi interesado o que era que opinaban eles do Andrés do Barro. E responderon: "Andrés do Barro, boh, ese é un pailán". Supoño que non é difícil adiviñar o que pensaban eses "snobs" (non lembro como os chama meu pai, mais algo así), créndose tan avanzados coa súa música intelectualoide, sen imaxinar que unha música que enganchou a tanta xente por toda Galiza e mesmo España agora podería recibir a xusta homenaxe dos dobarristas (e duns vacúns embutidos en traxes de Hally-Potte
). Depois de consultar coa miña fonte de referencia, confirmo que o concerto ao que aistiu meu pai, case en petit comité, foi efectivamente de Voces Ceibes. Matizo os seus comentarios, que eu lembraba máis negativos, aínda que el reitera que cando preguntaron por Andrés do Barro referíronse a este con desprecio. "Era polo seu éxito", afirma.
Estes va-queiros eram gente "de armas tomar"
Saudades de Andrés do Barro também as tenho eu... oxalá possa aportar o meu grãozinho de areia nessa macro-homenagem nacional ao neo-trovador neo-falante ferrolano!
Comment feed for this post
Comentárom: