Nos tempos de hoje nom há evento que se preze que nom tenha o seu próprio logótipo. Pareceu-nos que a comemoraçom (e bebemoraçom) dos 525 anos de Doma e Castraçom do Reino da Galiza ("um processo de centralizaçom política que -como dizemos no nosso manifesto fundacional- podemos acoutar simbolicamente entre duas datas: o mês de Dezembro de 1483, em que o rebelde Pardo de Cela foi decapitado «por cruel e poderoso», e o mês de Novembro de 1486, em que os Reis Católicos vinhérom comer uma mariscada a Santiago de Compostela") nom podia ser menos. Por isso ocorreu-me pedir ao meu sobrinho Breogam (como todo rapazolo do seu tempo, grande afeiçoado aos computadores a ao mono-patim) que me desenhasse aí, loguinho, um logótipo para o acontecimento.

Olhai só a maravilha que o Breo me fijo aí num pis-pas! Olhai que cousa tam linda e tam original! Nom vos parece?