No passado dia 22, depois da histórica manifestaçom que conseguiu ateigar a Praça do Obradoiro em defesa do galego, o jornal da capital pequeno-imperial 'La Razón' surpreendia próprios e estranhos com umha estrambótica capa em que dous indivíduos de escuro faziam umha fogata com um trapo de cores cálidas.

Já referimos aqui as surpreendentes conclusons da investigaçom policial a respeito da identidade dos indivíduos em questom. O que ainda nom dixemos, e que fontes de sobrada solvência nos confirmam, é que o jornal madrileno tinha prontas várias capas antes de se decidir pola da bandeirinha.

A seguir oferecemos umha escolha das fotos que o jornal baralhava para a capa de dia 22. Como é costume, cliquem na imagem para alargá-la.

Leia mais »

Perante a passividade da Polícia do Reino, Sei o que Nos Figestes... Nos Últimos 525 anos queria conhecer a identidade dos dous encarapuçados que queimaram umha bandeira do país vizinho na manife do 21 de Janeiro. Assim que este mês poupamos o nosso dinheiro para rapé e contratamos o melhor...

Sim, ELE, H. [Reparai no ponto lusófono]

Assim que caros leitores, desfrutem do primeiro capítulo de...

Ou ieaaah! Ou ieaaaah!

Leia mais »

A semana passada, numha comissom do Partamentinho de Cartom, o deputado do Partido Pirómano, o Sr. Alejandro Gómez Alonso defendeu, com patrióticos argumentos, a necessidade dumha nova autovia que unira a vila luguesa de Guntim e a cidade de Ponte-Vedra. Dixo, exactamente, que a tal autovia cruzaria o território do país “no sentido da franja da bandeira de Galicia”.

Nom ficou este orneio sem resposta. O deputado do Partido Sem Orientaçom Especial, o Sr. Pablo López Vidal, chamou-lhe “Pai da Patria”, aclarou-lhe que a faixa da bandeira ia de Ferrol a Verim (ou vice-versa) e incluso afirmou estar disposto a pedir "umha sançom contra o deputado por nom saber como era a franja". Todo isto entre as gargalhadas dos concorrentes. Depois acusou-no de querer fazer umha autovia para chegar do seu Forcarei natal à praia em meia hora. O resto foi mais agre: o do PP dixo que o bipartido agachava as cifras de mortos nas estradas, e o do PSOE acabou por chamar-lhe burro entre dentes. Esta gente é a que fai as leis da Galiza.

É sabido que muitos dos deputados desconhecem os símbolos próprios da Galiza. Quando soa o hino de Pondal, muitos deles movem os beiços sem cantar, como se fai na missa. O da bandeira é um pouco mais grave, mas agora que desapareceu do logo das galescolas aginha se esparrará a ignorância. De ser este um país sério, os galegos deveríamos enfadar-nos muitíssimo com este senhor deputado, igual que fam os espanhois quando confundem o seu hino com o dinamarques no Tour da França, ou tocam o hino republicano em troques do monárquico na Copa Davis. Ponhem-se como feras!. E iso que muitos espanhois nom sabem ainda como é a sua bandeira. Pero como tampouco devemos ser tam “sérios” como eles, e como o nosso ofício é o humor, preferimos rir dum burro a malha-lo a paus.