Nota: Se nom sabe de que vai, entre e desfrute.

Nom deixes de seguir o hastag de Twitter #cosasdemasiadogallegas

Última hora E coma Sempre nos médios já saímos no ilegalizado Xornal.

«A Coruña es muy cara. ¡Esto se va a acabar!» é o lema da campanha publicitária lançada pola rede especializada em eletrodomésticos Media Markt para anunciar a iminente apertura dumha das suas lojas na cidade herculina.

«A Coruña es muy cara. ¡Esto se va a acabar!» poderia ser também o lema da pré-campanha eleitoral de Carlos Negreira, candidato do Partido Popular corunhês à autarquia da Corunha. Com "esto" Carlos Negreira refereria-se, naturalmente, ao único topónimo oficial da cidade (escrito em galego zómbico), nom à carestia da vida na mesma (Viver na Corunha, que carinho é...).

E é que ao Carlos Negreira o último que lhe preocupa é solucionar os problemas das corunhesas e dos corunheses. Ele nom se importa de criar-lhes um novo/velho problema com tal de ficar sozinho com a funesta herança de Sir Francis Covas Ques e assim ter algumha hipótese de um dia vir ocupar a poltrona que o atual embaixador do Império Pequeno no Vaticano ocupara outrora.

"Yo no soy tonto", disque. Mais parvo e nasce máquina de lavar roupa! ;-)

NOTA: De Sei O Que Nos Figestes... Nos Últimos 525 Anos defendemos que a única forma oficial do topónimo da cidade deve ser a galega (sem artigo e com ene-agá) ou portuguesa (como o centro comercial Dolce Vita): CORUNHA. No entanto, e como gesto de boa vontade pola nossa parte, aceitaria-mos a sua cooficializaçom ;-)

Relacionada: Corunha: detectados novos casos de Gripe LA [Umha exclusiva de Joaquim Reboiras, QUA, 09-SET-09].

Enquanto o mundo inteiro continua imerso na paranóia do vírus H1N1, também conhecido como gripe A ou gripe suína, um repentino surto de Gripe LA, variante da temida Gripe Gorrina, vem de reaparecer na cidade da Corunha, segundo tivemos notícia no passado sábado.

Ainda que a Gripe LA nunca deixou realmente de existir na cidade herculina, este parece ser o principal surto desde que em 2007 se levantasse a quarentena sobre a cidade por esta mesma causa.

O responsável de ter contagiado o vírus na populaçom local nesta ocasiom é o vozeiro / portador municipal do Partido Popular, Carlos Negreira, quem parece ter desenvolvido umha cepa especial resistente a todas as vacinas conhecidas, e que está a operar nele umha estranha mutaçom que o faz passar de simples marrao a porco de pé.

Vigo também

Entretanto, também na cidade olívica a gripe gorrina continua a fazer estragos. Aliás, os últimos casos parecem deitar dúvidas sobre a própria origem da doença. Se até ao momento se pensava que a origem estava na populaçom suína, agora pensa-se numha possível origem bovina, visto o último caso de portador ser um famoso matador de touros local.