Sem desmerecer o intenso trabalho de investigaçom e divulgaçom de documentaçom oficial e reservada que nos últimos dias ten feito a Cadena Ser, diante da necessidade de realizar umha nova filtraçom, dum documento talvez ainda mais delicado, fontes que nom podemos revelar decidem pôr-se em contato com Seioque.com. O rigor e tratamento sempre acertado do nosso blogue foi “premiado” com as exlusivas imagens de Angelito Espadas no momento de ser recolhido pola benemérita na madrugada do passado Sábado.

Na imagem pode apreciar-se como Angelito dorme como um idem, bem pertinho do seu domícilio parado no último semáforo antes de chegar à sua morada. A luz dum farol do bairro de Sam Lázaro ilumina essa carinha angelical mentres que na rua começa a abrir timidamente o dia. Da imagem pode deducir-se que o mini-me de Conde Roa vinha de celebrar qualquer cousa, talvez ter ascendido na lista do candidato PPopular.

O seu enigmático último tweet antes da misteriosa noite converteu-se finalmente num fatidico jogo de palavras enunciado às três da manhá, pouco antes de producir-se o encontro benemérito:

Tal e como já dixo o seu mestre “en este proceso existen sombras”, e isso mesmo pensamos nós. É por tudo isto que os serviços de pesquisa de Seioque.com investigarám até poder esclarecer toda essa misteriosa noite. E mesmo se esta foto pode ter algo que ver com a anterior:

“Ferrín e Abalo ó Parlamento” assim rezava a publicidade da FPG nas eleições galegas de 2005, daquela os 1.630 votos da F polo círculo eleitoral de Ponte-Vedra nom fóram suficientes para que tam bem falado axioma se cumprisse. Quatro anos depois, no malfadado ano de 2009 (restauraçom huskiana + crise everywhere) os e as agora 1.465 compatriotas que apoiárom novamente à F, e também em Ponte-Vedra, nom voltárom conseguir.

Tivo de ser no ano Jacobeu, um ano de mirágres e de conjunçoes astrais, que se repite em séries de 28 anos e cada 6-5-6-11 anos (semelha, mas nom é umha combinaçom à moda Lost), que Ferrín chegou ao Parlamento. E chegou graças a tam só 31 votos, os dos membros da RAG que o elegérom unanimente como presi de tam senlheira instituiçom.

Embora esta visita ao Parlamento nom tivesse nengum objectivo concreto, tal e como ele próprio declarou aos médios “foi umha visita de cortesia à segunda autoridade política de GaliCIA, tinhamos que presentarlle os nosos respectos como institución". Para melhores tempos terá de ficar o de “implantar a sociedade justa, que é a do socialismo real”

O fervor mundialístico, apostático e supercecedilhado provocou que neste mês de Julho a atualidade galega nom fosse acompanhada tal e como era merecente no país do milhom de notícias institucionais. Agora damos conta aqui dumha nova que nom podíamos ignorar.

Mariano agora só resta que che deixem passar a ti!!!