No passado 18 de abril, quase um mês antes do 15 de maio que daria nome ao Movimento 15-M, tivo lugar no Obradoiro a denominada Revoluçom das 'Patatilhas'.

Nom nos corresponde a nós dizer se foi ou nom foi o 18-A o que fijo arrebentar a vaga de protestos (pacíficos, bem-humorados e nom-violentos) que floresceram na Galiza e resto do Império Pequeno na passada primavera. Já se encarregarám os livros de História de fazê-lo

Seja como for, hoje, 18 de julho, três meses depois do 18-A e setenta e cinco anos depois do Alzamiento Nacional, publicamos em Seioque.com o vídeo do evento. Que tampouco era sem tempo.

O que podedes ver neste vídeo (e que nom devedes perder)?

1) Palavras de ordem:

* "Onde está / que nom se vê / o governo / galego, u é?"
* "Uá, governo galego já..."
* "Dous anos sem governo, new olympic record"
* "Isto nom se amanha / indo a 'El Gato al Agua'"
* "Que se defina Feijóo: governo ou platô?"
* "Olimpi, camente, passa o presidente"
* "Este Frijolito / a mim tem-me frito"
* "Frijol, ervilha, toma 'patatilhas'"
* "Si, si, si, vai-te pra Madri"

2) Entrevista em exclusivo para Galicia Confidencial
3) Leitura a três vozes do manifesto do 18-A
4) Interpretaçom do Hino Galego (e que nos quiten lo 'bailao')

[Imagens gravadas no Obradoiro por Gennara del Bruzzo & Xurxo Salgado (Galicia Confidencial) e editadas na sua casinha polo Jenaro Jesus Marinhas].

Leia mais »

Há poucos dias, a imprensa séria do País dava conta de umha notícia bem singular: a Junta patrocina umha exposiçom sobre extraterrestres. Embora patrocinada polo governinho feijoano, será para uso e desfrute do público mais aguerrido, pois esta exposiçom andará pola capital do Império Pequeno.

Segundo informações jornalísticas, este evento intitula-se El Diseñador de Especies, e baseia-se num livro de Herikberto M.Q., a.k.a. Heriberto Muela Quesada, em que se afirma que a evoluçom das espécies no cosmos é muito similar, ideia que exploram o seu trabalho e a amostra, mas também outros sucessos, relata GC:

O propio autor asegura deste libro que “está inspirada en la propia vida del artista, y tiene un transfondo realmente misterioso; puesto que relata extrañas experiencias juveniles que tuvo el autor y su familia con una civilización extraterrestre”.

Nom deixa de ser lamentável curioso que esta nova seja, no tempo, mais ou menos paralela do desmantelamento do sistema de I+D+i galego, com reduçom de bolsas e do orçamento destinado à investigaçom... ou simultânea com as declarações de um exultante Feijóo atribuindo a poderes de outro mundo o suposto êxito do Jacobeu/Xacobeo. Para que investigar podendo crer, para que governar podendo rezar?

Mas se pensam que esta minha reflexom é umha chança (1, e novamente 1), andam bem erradas/os. Eu, mais bem, creio que é apenas o começo do que vai vir, um globo sonda para testar (in)sensibilidades, porque, como alertávamos no verão, caminham entre nós.

Estava eu a ler esta manhá um artigo-manifesto de Telmo Martín, candidato do PP à Cámara Municipal de Ponte Vedra.

O artigo-manifesto, intitulado Ponte [sic] unha ilusión, a verdade é que me pom, esperta em mim sensaçons que acreditava dormidas, que nengum político (desde Paco Rodrigues) me lograra suscitar.

Quem nom se poderia comover ante um "imaginemos Ponte Vedra juntos" (tu mais eu? ), um "entre todos podemos dar-lhe vida" (ao fruto do nosso amor? ), ou a um "queremos contar contigo" (nunca nada tem bonito me dixérom )?? A verdade é que me pom. E a ti, a ti nom te pom? Por que se te pom, pom-te!

Sendo assim, se a proposta cidadá de Martín te pom, já sabes o que tens de fazer: frear o vírus "da passividade", do "sectarismo". A receita contra isso, conhece-la: Telmo Martín pom-no, pom-lho. Como ele próprio diz, "soma-te, pom-te umha ilusom".