Angelina e a sua prole já andam à procura de uma Portugalescola

Tal dia como hoje véu ao mundo Angelina Jolie Voight, superconhecida sobretudo por ter encarnado (e que carnes! ai omá que rica!!) a protagonista da saga de videojogos Tomb Raider, Lara Croft.

Aproveitando o 34º aniversário da bela Jolie, lembramos umha notícia que saiu em dias passados na imprensa, e na qual se indicava que Angelina estava à procura de umha habitaçom em Portugal.

Os motivos nom estavam muito claros, mas a nossa equipa de investigaçom logrou averiguar (e nom sem poucos problemas!) que o motivo da sua mais que possível nova vida em Portugal nom é outro que umha fugida da imposiçom lingüística. Imposiçom do inglês (bad), do espanhol (malo) e até do spanglish (lo puto worse) por parte do pérfido Governator.

Tal como lêem. A pobre de Angelina e a sua multiétnica prole vêm-se na obriga de fugirem de Califórnia, ao mais puro estilo Êxodo, para assentarem na Terra Prometida de Portugal. A Jolie esta a seguir a senda de históricos e históricas do reintegracionismo galego

Esperamos esta decisom aginha se concretize, e que a mulher que acaba de ser considerada a mais influente do mundo traga com o seu exemplo novas perspectivas e mais autoestima para a causa