A campanha continuada de ex-apadrinhamento e ex-amadrinhamento da apostasia que desde Sei o que Nos Figestes... Nos Últimos 525 Anos levamos organizando desde há uns meses saiu mais umha vez nos jornais. Desta vez no Xornal (-Dai-me o Xornal -Qual? - O Xornal-Jornal) de Galicia, num artigo de quatro páginas de Sonia Dapena com excelentes fotos de Tamara de la Fuente para o suplemento dominical contexto. Podem ler umha sinopse na versom digital.

Ademais da iniciativa da rede de mulleres, a apostasía en grupo parece terse convertido nunha moda. “Eu colaboro cunha organización humorística para ir con padriños e en grupo apostatar porque ás veces é difícil ir sós, cada dous meses ou así non xuntamos vinte persoas e imos ao arcebispado a presentalas”, conta Fernando Trigo da peculiar actividade do movemento Seioque.com.

O movemento ridiculista fai estes actos contrarios á doutrina católica tomando as cousas con humor e “facendo chanzas”. Entre os seus padriños xa se contan músicos como Uxía e Paino. Porén xa toparon tamén coa policía diante do arcebispado de Santiago cando varias persoas revisaban os seus papeis para ter todo en regra antes de apostatar. Os que xa tomaron esta decisión de fe animan a apostatar a todo aquel que non se decida e avisan: “Este ano se está a mover bastante o tema coa visita do Papa”.

Como bem remata a companheira jornalista, com a chegada do Santíssississimo Pontífice, estamos a mover Roma com Santiago para marcar um record histórico. A próxima cita, como já sabem os nossos leitores, é o dia de Sam Joam com ressaca ou sem ela, e com estômago a fazer da digestom de boa broa e sardinhas.

Mais sobre a Apostasia em Seioque.com:

- Estás é na seita (TER, 08-DEZ-09)
- Marcos Payno, Apóstolo da Apostasia (QUA, 09-DEZ-09)
- Apostasia antes do Natal (SEG, 21-DEZ-09)
- 23 de dezembro: fum, fum, fum (QUA, 23-DEZ-09)
- Apostasia antes da Semana Santa (QUA, 17-MAR-10)
- A cúria e a polícia som as nossas amigas! (TER, 23-MAR-10)
- Se és tia, apostasia! (SEX, 21-MAI-10)
- Se Mendizábal levantasse a cabeça! (QUA, 02-JUN-10)
- 24-J: Sam Joam Apóstata (QUI, 10-JUN-10)

Ligaçons:
- Para Anxo Lorenzo
- Para o resto do mundo.