Últimas novas Os nossos informadores falam de comentários peorcupantes nas filas do movimento ridiculista que podem ser preámbulo para umha ruptura que por comparaçom deixaria o problema entre UPN e o PP como umha perrencha de pátio de galescola. Hermerico Pinheira tem todos os dados...

Resposta:

Segundo as informaçons achegadas por colaboradores desta página e os enlaçes em Tan Gallego como el Gazpacho os integrantes dessa outra iniciativa ridiculista estariam mui molestos co protagonisto "injustificado" de Sei o que nos Figestes... nos foros andaluzistas. Os comentários e protestos dirigidos à atençom dos responsáveis desta página teriam incomodado muito na redaçom gazpachil, pois consideram que o seu projecto leva meses a ganhar o direito para ser o alvo preferencial de comentários de andaluzes sem senso do humor e ofendidos.

Estaremos ante umha ruptura inminente? O redactor desta nova tentou confirmar as informaçons com os próprios membros do Gazpacho, mas nom colherom o telefone nem responderom o correio-e nos primeiros cinco minutos. Assim que aplicando as normas do jornalismo espanhol sério a nova fica completamente confirmada: El que calla otorga.