Até há bem pouco o que acontecia na mente de Anxo Lorenzo era um mistério. Um sociolinguista de prestígio que criticava as campanhas linguicidas da extrema direita espanhola e o seguidismo do PP galego dos mandatos galegófobos de Génova que muda no prazo num convencido teórico do vil-güismo.

O processo foi rápido e aconteceu diante dos nossos olhos. O dia da apresentaçom do Decreto do Castelhano já nom ficava nada do anterior Lorenzo. Um homem de mirada vazia mirava desde o estrado, acompanhado do conselheiro de educaçom, a repetir as consignas sobre "imposición" y "libertad". Chega com ler a última entrevista em profundidade -até onde puderam profundar no seu discurso bi-dimensional- publicada no Xornal de Galicia para comprovar até que ponto chegou a mimetizaçom do discurso popular. As respostas so as mesmas que daria um Pérez Varela ou um Feijóo. Só fica um pequeno, residual, traço de desconcerto. Como se por breves segundos um refacho fantasmal de consciência tentasse espertar a sua mente zómbica, sem sucesso. É aterrador, e triste.

Muitas som as teorias para explicar a mutaçom ideológica que operou sobre ele: Hipnose, coerçom, seqüestro de familiares, suplantaçom por um actor, recriaçom virtual. Negamo-nos a aplicar a Navalha de Occam e aceitar que por umha quantidade adequada de quartos e promessas de futuras cadeiras de por vida em instituiçons do Movimiento alguém pudesse vender a sua língua e a sua dignidade. Preferíamos pensar que dalgum jeito o Governo Feixista com ajuda de Galicia Bilingüe perfecionara a intoxicaçom com metílico , tam própria da família Lago, trocando a cegueira e a morte física físicas pola cegueira e morte morais. E por desgraça nom estávamos errados.

Por médios que nom podemos revelar sem pôr em perigo os nossos informantes chegou às nossas manos umha microfilminha obtida dos arquivos mais segredos no centro de governo do Feixismo. Um estarredor documento que apresenta em linhas gerais o processo ao que foi submetido Anxo Lorenzo para minar e destruir a sua dignidade até o converter num monicreque mais nas maos do anti-galegos.

Estas informaçons parecem demostrar que existem que, com dinheiro suficiente, há quem pode eliminar para sempre a vontade dum individuo. E todo vale na luta por destruir a vontade dumha naçom. Sem importar a quantidade de joguetes crebados que podam deixar polo caminho.