Feijóo nom nos está a defraudar nadinha. O seu novo regime demonstra seguir umha agenda bem ordenada e planificada: derrogaçom do decreto do galego, prévio passo pola casilla de Galicia Bilingüe (#1), banir a música galega da rádio ídem e continuar com todo programa cultural que tenha a ousadia de se emitir na CRTVG(#2), eliminar o serviço médico dos centros Querote, e logo a assistência jurídica que prestava nos casos de homofobia, deixar aos concelhos mao livre para dirigir o urbanismo sem controlo... E se faltava umha demonstraçom de que isto nom vai parar, despertamos ontem com a notícia: TVG elimina Acompanhe-nos da grelha!

Depois de dous anos chegando cada tarde às nossas casas o programa de conversas de mesa braseiro -como a afamada do seu homónimo Piñeiro- cai na segunda das purgas do canal público no último mês. Cuidamos que, apesar de ser um programa de rejoube que as mais das vezes só transmitia os ecos dos seus equivalentes espanhois, o cheiro a bipartido era mui forte para o nariz sensível da nova direcçom. E mais quando o seu condutor demonstrou nos últimos anos que um se podia redimir dumha etapa anterior marcada polo mais tópico do fraguismo e saír sem medo à palestra r as mentiras da galegofobia e até fazer um chamamento à unidade contra os ataques à língua .

Há quem discuta o valor de Xose Manuel Piñeiro como defensor da nossa língua, ou que considere o seu programa nom achegava nada de qualidade à televisom do país. Nom entraremos nessas valorizaçons. Contudo, é certo que o espaço distava muito do "programa para maiores que procuram companhia" que prometeram há uns anos, e que até mereceu os parabéns da Vicepresidência. Contudo, cada quem terá que reflexionar sobre se de existir essa classe de programas na TV queremos que ao menos a gente tenha a opçom de vê-los em galego, ou ter de comungar com o espanhol.

Para nós, está claro que Superpinheiro foi estes anos um defensor da nossa língua. Na memória ficaram os seus momento de pontificado, nos que tirava os óculos para acenar com eles na mao e nom duvidava em denunciar o colonialismo cultural espanhol desde o seu sofá de desenho. Para a história ficam os seus enfrentamentos com GB em directíssimo:

(Olho, vídeo subido polos bífidos, nom deixem de comentar)

Por todo isso nós berramos sem medo:
O NOSSO PINHEIRO, E SUPERPINHEIRO

E rematamos com um
SUPERPINHEIRO,SUPERPATRIOTA!

#1 Nos pasamos el gallego por la casilla próximas palavras de ordem nas manifes de GB, segundo os nossos informadores.

#2 La cultura gallega está bien, pero limita Varela dixit.