Hoje, 18 de Novembro, celebra-se a segunda sessom da Assembleia Nacionalista no Hotel Méndez Núñez de Lugo. As Irmandades da Fala proclamam nesta data na cidade das velhas muralhas o seu programa político, que começa com a seguinte declaraçom:

Tendo a Galicia todal-as caracteristicas esenciaes de nazonalidade, nós, nomeámonos, d-oxe pra sempre, nazonalistas galegos, xa que a verba rexonalismo non recolle todal-as aspiraciós nin encerra toda a intensidade dos nosos problemas.

Nasce assim o movimento político nacionalista na Galiza. Mas semelha nom ser muito bem acolhido polos cronistas lucenses da época, mais afeitos a receberem as visitas dos caciques.

O diário El Progreso (de Lugo y su provincia) fai-se eco desta importante junta dos nacionalistas de todo o Pais na sua capa, num quadro titulado Notas marginales.

Muito a pesar dos Retrocessos, os dándis nacionalistas seguiram a avançar por um longo caminho de estrelas nos anos seguintes. Assim, hoje de Sei o Que Nos Figestes... os Últimos 525 Anos, celebramos o XCII Aniversário do Mani-Manifesto de Lugo; porque we are dandies and we don't deny it!.

Lembramos aqui os actos que celebramos em colaboraçom com a Associaçom Cultural Lucense Cultura do País para o vindouro sábado 20 de Novembro.

AINDA PODES ANOTAR-TE NA CEA-FOLIADA DÁNDI
Sábado 20 de Novembro
Lugar: Bodegón Tuiriz (R/Passarinhos)
Preço: 12 euros

Actuaçom: Airinhos da Freba

II Ediçom dos Prémios Dándi: magníficas peças de olaria de Bonxe en xogo!

Mais um ano, de Sei O Que Nos Figestes... Nos Últimos 525 Anos deslocamos-nos ao pé das velhas muralhas comemorar (e bebemorar) o XCII Aniversário do Mani-Manifesto de Lugo.

Iremos de toda a Pátria, com as Irmandades da Fala e as Sociedades Agrárias, como os persoeiros assinantes do Manifesto, proclamar a consinha da Terra Nossa. Mais umha vez, come-e-bebemoramos esta efeméride em colaboraçom com a Associaçom Cultural Lucense Cultura do País.

Nesta jornada lembraremos-nos também da figura do militante arredista Fuco Gomes, para o qual contaremos com a ilustraçom dum experto na sua obra: o historiador Xurxo Martínez.

XCII Aniversário do Manifesto de Lugo

Sábado 20 de novembro

Programa de Actos

17:30h. (hora pequeno-imperial): Oferenda Floral diante o Hotel Méndez Núñez

18:30h. (hora pequeno-imperial): Colóquio: Fuco Gomes, galego senlheiro, arredista revolucionário
Lugar: Sá 4 do Centro de Convivência Maruja Mallo (Carril das Hortas)
Intervém: Xurxo Martínez, historiador

21:00h. (hora pequeno-imperial): Ceia-Foliada Dandi
Lugar: Bodegom Tuiriz (R/Passarinhos)

PREÇO: 12 EUROS. APONTA-TE EM: culturadopais@gmail.com

Actuaçom: grupo de música tradicional Airinhos da Freba

Iª EDIÇOM DOS PRÊMIOS DÁNDI!!!!
MAGNÍFICOS PRÉMIOS DE OLARIA DE BONXE!!!

Peña Novo de Vilalba, Vilar Ponte de Viveiro, Anxel Casal e Viqueira, Lence-Santar de Mosteiro... e ti, nom ves?

Publicamos seguidamente um extracto do último best-seller da Santa Sé, elaborado pelo Sobrinho do Pater sobre a sua experiência em evitar a acçom dos apóstatas lugueses:

NOTA: Como é óbvio, o original está em idioma cervantino para fazer honra ao seu titulo, a traduçom é obra de Tony Pelúdez para SQNF.

Paso Nª1: interceptar e fazer aguardar aos apóstatas

Quando os apóstatas se achegarem ao Escritório do Bispado com a intençom de renegar da Fé, a atitude dos nossos discípulos deve ser retardante. Recomenda-se fazer os apóstatas passarem polo Vicariato e falar com o Sr. Vigário um a um para evitar que se fagam fortes e perseverem na sua vontade.

Umha vez dividido o grupo de apóstatas, o Sr. Vigário advertirá aos infieis que de abandonarem a Fé nom poderám ser padrinhos nem casar nem serem soterrados polo culto católico; para assim tentar que se arrependam. De persistirem, rejeitará-se a sua declaraçom de apostasia -especialmente se indicam algo referente à lei de protecçom de dados- e elaborará-se umha nova que deve estar EM ESPANHOL -isto é muito importante-. Aqui há um modelo de declaraçom alternativa, que pode ser utilizada:

Em todo este processo é muito importante demorar todo o possível os trâmites: quanto mais aguardam mais possibilidades há de que desistam. Se nom fica mais remédio, que levem o documento assinado.

Paso Nº2: o horário do Escritório

Se som seguidas religiosamente as instruçons anteriores, há chegar um momento no que poderemos escusar-nos no remate do horário de atendimento ao público do Escritório do Bispado. Desta forma conseguiremos que umha parte dos apóstatas nom podam fazer a sua declaraçom nesse dia, e pode que desistam de voltar a tentá-lo em vindeiras ocassions.

Paso Nº3: ressistir um 2º Assalto

É bastante provável que os apóstatas mais perseverantes tentem um outro dia cumprir com o seu objectivo. Devemos estar preparados. É de utilidade empregar escusas sobre visitas pendentes do Sr. Vigário para retardar de novo a sua acçom e impedir que apostatem todos.
De seguirem insistindo em apostatarem, haverá que recebé-los mas tentando fazer passar o mais tempo possível.

Paso Nº4: a Acta de Baptismo

Quando a insistência dos apóstatas nos obriga a ter que recebé-los de novo, devemos ter preparada umha escusa burocrática. Recomenda-se inventar que houve algum dado incorrecto para pedir-lhes umha certicaçom da acta de baptismo, que seguramente nom tenham a mao. Temos que insistir em que vaiam à freguesia na que foram baptizados falar com o pároco para que ele lhes subministre tal documento; para depois voltarem polo Escritório do Bispado. Isto também é importante, pois pode desmotivar mesmo aos mais perseverantes de entre os apóstatas.

Pode que insistam, chegados a este ponto, em que lhes ponhamos o carimbo de registo na sua declaraçom de apostasia. Aceitaremos, total nom lhes imos fazer nengum caso com carimbo ou sem ele. Nom devemos pôr a data se nom o pedem. Desta forma, marcharam ledos com o seu documento cunhaaaa...do.

Mas, ADVERTÊNCIA!!:

As instruçons recomendadas neste manual podem ter um risco: que a aqueles apóstatas com mais mala hóstia denunciem publicamente as nossas manobras e os méios de comunicaçom lhes fagam caso. Anexa-se exemplo: