Nota: Se nom sabe de que vai, entre e desfrute.

Nom deixes de seguir o hastag de Twitter #cosasdemasiadogallegas

Última hora E coma Sempre nos médios já saímos no ilegalizado Xornal.

Sei o que nos figestes... nos últimos 525 anos solidariza-se com os quatro jovens –três deles militantes da organizaçom Isca!- que na próxima segunda-feira, dia 16 de novembro de 2009, sentarám no banco dos julgados cascarilheiros, acusados de destruirem um maciço floral na entrada da Corunha com o topónimo deturpado há já quatro anos, em novembro de 2005. O que teria acontecido se, em vez, de removerem a letra L, tivessem optado polo R e o U?

«A Coruña es muy cara. ¡Esto se va a acabar!» é o lema da campanha publicitária lançada pola rede especializada em eletrodomésticos Media Markt para anunciar a iminente apertura dumha das suas lojas na cidade herculina.

«A Coruña es muy cara. ¡Esto se va a acabar!» poderia ser também o lema da pré-campanha eleitoral de Carlos Negreira, candidato do Partido Popular corunhês à autarquia da Corunha. Com "esto" Carlos Negreira refereria-se, naturalmente, ao único topónimo oficial da cidade (escrito em galego zómbico), nom à carestia da vida na mesma (Viver na Corunha, que carinho é...).

E é que ao Carlos Negreira o último que lhe preocupa é solucionar os problemas das corunhesas e dos corunheses. Ele nom se importa de criar-lhes um novo/velho problema com tal de ficar sozinho com a funesta herança de Sir Francis Covas Ques e assim ter algumha hipótese de um dia vir ocupar a poltrona que o atual embaixador do Império Pequeno no Vaticano ocupara outrora.

"Yo no soy tonto", disque. Mais parvo e nasce máquina de lavar roupa! ;-)

NOTA: De Sei O Que Nos Figestes... Nos Últimos 525 Anos defendemos que a única forma oficial do topónimo da cidade deve ser a galega (sem artigo e com ene-agá) ou portuguesa (como o centro comercial Dolce Vita): CORUNHA. No entanto, e como gesto de boa vontade pola nossa parte, aceitaria-mos a sua cooficializaçom ;-)

Relacionada: Corunha: detectados novos casos de Gripe LA [Umha exclusiva de Joaquim Reboiras, QUA, 09-SET-09].