Nom está bem rir das desgraças alheias. Mas rir das próprias desgraças nom está mal. Precisamente isso foi o que figemos na passada quinta-feira, 15 de setembro, em comemoraçom do 525º aniversário da chegada dos Reis Católicos a Santiago de Compostela, dando simbólico início ao que Castelao, citando livremente os Anais de Aragom de Jerónimo Zurita, chamou de "Doma e Castraçom do Reino da Galiza". Quatro dias depois, eis as imagens do evento (fotos e vídeos):

Nós, polas nossas partes, dámos por cumprido o nosso compromisso de un triênio (2008-2011) de luita subversivo-esmorgueira com o Povo Galego (V. Manifesto Cruel e Poderoso) e fechamos o chiringuito.

No entanto e visto que, segundo El Libro del Limosnero de Isabel la Católica, os Reis Católicos permanecerom em Compostela até dia o 16 de outubro, ainda temos margem para ir subindo a esta página mais algumha foto e/ou vídeo.

Seioqueee tem mais encantooo -Quando?- na hoooraaa da despediiidaaa...


Atualizaçom QUA, 21-SET-2011, 18h30 (hora portugalega)

Seis dias depois do evento, atualizamos este último (e derradeiro?) post de SOQNF com mais três vídeos enviados polo nosso grande amigo Duarte do Castelo Vasco:

No passado 18 de abril, quase um mês antes do 15 de maio que daria nome ao Movimento 15-M, tivo lugar no Obradoiro a denominada Revoluçom das 'Patatilhas'.

Nom nos corresponde a nós dizer se foi ou nom foi o 18-A o que fijo arrebentar a vaga de protestos (pacíficos, bem-humorados e nom-violentos) que floresceram na Galiza e resto do Império Pequeno na passada primavera. Já se encarregarám os livros de História de fazê-lo

Seja como for, hoje, 18 de julho, três meses depois do 18-A e setenta e cinco anos depois do Alzamiento Nacional, publicamos em Seioque.com o vídeo do evento. Que tampouco era sem tempo.

O que podedes ver neste vídeo (e que nom devedes perder)?

1) Palavras de ordem:

* "Onde está / que nom se vê / o governo / galego, u é?"
* "Uá, governo galego já..."
* "Dous anos sem governo, new olympic record"
* "Isto nom se amanha / indo a 'El Gato al Agua'"
* "Que se defina Feijóo: governo ou platô?"
* "Olimpi, camente, passa o presidente"
* "Este Frijolito / a mim tem-me frito"
* "Frijol, ervilha, toma 'patatilhas'"
* "Si, si, si, vai-te pra Madri"

2) Entrevista em exclusivo para Galicia Confidencial
3) Leitura a três vozes do manifesto do 18-A
4) Interpretaçom do Hino Galego (e que nos quiten lo 'bailao')

[Imagens gravadas no Obradoiro por Gennara del Bruzzo & Xurxo Salgado (Galicia Confidencial) e editadas na sua casinha polo Jenaro Jesus Marinhas].

Leia mais »

Estes dias está a ter muito sucesso nos Països a cançom Jenifer dum grupo de gente nova chamado de Els Catarres que ademais de apostarem por um modelo de distribuiçom de conteúdos nom dependente dos selos de gravaçom ao permitirem descarregar toda a sua música desde a sua página web têm publicado recentemente umha cançom mui divertida e até ridiculista. A sua referência aos tópicos do soberanismo catalam e ao "amor impossível" entre um raparigo comprometido com o país e umha "choni" de Castelldefels deu acadado o coraçom e os ouvidos de muita gente na Internete. Nom fai falha dizer que em Sei o que nos Figestes... gostamos imenso e rimos a esgalha com o tema -quem escreve estas linhas nom da parado de cantarolar o retrouso- e que incluímos para o vosso gozo:

Porem desde a primeira vez que escutamos a cançom assaltaram-nos duas sensaçons. A primeira delas foi que estaríamos encantados de ver algum dos muitos e excelentes grupos pop que figeram pop!&notspot no país nos últimos anos compor umha cançom sobre o duro que tem de ser para algum setores do soberanismo galego apresentar o campanheiro ou companheira "pouco consciente" em segundo que ambientes. Seria mui engraçado escutar o embaraço de levar jantar na romaria do 25 (seja a da Carvalheira de Sam Lourenço, for qualquer outra das organizadas polo independentismo) a moça da que um namorou saindo pola Corunha sem reparar até o dia seguinte em que era mais de Juan Flórez que El Pote. Ou os sentimentos contraditórios dalgumha militante quanto tem que apresentar o namorado que nom entende mui bem exatamente o que é que é isso dos Coentros Sociais.... convidamos ao artisteio para que trabalhe no conceito, nós também ceivamos as idéias para que germolem. Com todo também tinhamos outra impresom: que algo assim, algo sobre o choque de culturas na Galiza numha história de amor impossível já escutaramos nalgum momento. Demorou pouco tempo até que reparamos que Os Diplomáticos de Monte Alto já contaram o clash of civilizations entre um rapaz "de monte" e umha rapariga "urbanita" na sua magnífica "Esta noite hei dir alo", que também deixamos cá para desfrute de todos: