Ontem à noite, na compostelana Sala Nasa, o nosso amigo Carlos Valcarcel a.k.a. Projecto Mourente deu toda umha liçom do que é curtir em cima do palco e fijo-nos curtir também a nós. Todo um recital que foi retransmitido ao vivo e em direto polo Planeta Furancho, programa da Rádio Galega Música apresentado polo também amigo Vituco Neira, esse ilustre vizinho da paróquia brava e arroutada de Arins.

Como já figera na última Festa do Dezassete, organizada pol'A Gentalha do Pichel e celebrada na Alameda de Compostela em 16 de maio de 2009, o amigo Carlos voltou a enviar desde riba do palco umha saudaçom para Sei O Que Nos Figestes...

Graças à magia da Rádio desta volta o saúdo que o ilustre filho da pontevedresa paróquia de Mourente dedicou para SeiOQue pudo ouvir-se em toda Galiza e, através da internet, no mundo inteiro:

"Temos outro tema que a ver como o canto, pero bueno. Nós, como somos assim de artistaços, imo-lo cantar. É um hino a todas as pessoas incompreendidas que normalmente chamanos ou lhes chamam frikis. Esta cançom está dedicada a toda essa gente em especial, em especial, queriamos dar um saúdo à gente de Sei O Que que veu hoje, um saúdo especial e que continuem trabalhando tam bem. Esta cançom, com muito carinho, vai pra eles. E elas!" [Projecto Mourente].

[Planeta Furancho (RG Música), QUI, 25-FEV-10 (30:40-31:05)].

Ao final do concerto a nossa súper-reporteira Erika Seven fijo a Carlos Valcarcel/Projecto Mourente umha mini-entrevista (que estamos a editar) da que oferecemos, como adianto, esta saudaçom.

Outro para ti, precioso!!!