Cada um tem o que merece. Galiza e Catalunha votam o que votam (Euskadi é um caso à parte) e assim nos vai a nós e mais a eles. Nós, com Feijóo, a palhas e gasosa. Os galegos precisamos é dum Laporta que nos faga sonhar com um futuro melhor, voluptuoso e borbulhante, de mulheres e champanha (aqui quem nom gostar de mulheres que leia homens e quem nom gostar de champanha que leia sidra ou cava, ok?, que sobre gostos nom há disputas).

Read more »

Os nossos contactos no interior de Sam Caetano filtraram informaçom sobre as próximas linhas de acçom da Xunta Feijooana: Depois da histórica manifestaçom do 21 de Janeiro, com 60.000 pessoas reunidas na Praça do Workshop-Obradoiro-Taller, que consideravam sob controle após a infiltraçom de três ou quatro agentes da divisom de bombeiros-toureiros pirómanos do aquartelamento de Soto del Real, Feijóo e os seus minions vem perigar parte da sua imagem pública. Por isso encarregaram uns rascunhos para umha campanha de publicidade institucional que translade os piares básicos do governo à mente da populaçom.

Mas umha vez o que escreve estas linhas infiltrou-se no boca do lobo, desta vez só com um disfarce de tonadillera e um garfo de prata do enxoval da boda do Conde de Lemos, para obter algumhas das provas de impressom desta campanha de alienaçom mental. Cá os resultados:

Leia mais »

Courel dos tesos cumes que ollan de lonxe!
Eiquí síntese ben o pouco que é un home...

Os Eidos, Uxío Novoneyra

"Yo que pensaba 'hoy no es mi día estoy salá',
pero Pedro Navaja tu estas peor, no estas en na'"

Pedro Navaja, Rubén Blades

Alberto Núñez Pocoyóo pocoyiza Galiza e converte-a no País dos Anões.

Feijóo, Feijóo, andando a trabajar...

[Branca de Neve Feijóo e os 10 conselheiritos, conto lido na contra-capa do Xornal de Galicia no sábado 9 de Janeiro de 2010].

Como bem dixo no Facebook o nosso colega Franco Vicetto (em 14 de janeiro, às 20:11, via Facebook para iPhone): "Eu nunca serei yo, nem sequer Pocoyó".

Amanhá todo o mundo tem de estar presto na Alameda de Santiago de Compostela (ou em qualquer outra concentraçom em toda a geografia do país) na jornada de greve do ensino contra o Decretaço do Castelhano de Feijoo, Rueda e Anxo Lobezno. Sei o Que Nos Figestes... Nos Últimos 525 Anos estará, com umha faixa na altura das circunstáncias, mas ainda temos que decidir qual levamos. Estas som algumhas das possíveis.

Anteontem, Deus deu umha mostra mais da sua já provada inexistência como ser clemente e bondadoso permitindo que um terramoto de 7'3 graus na escala Richter açoutara a República do Haiti, um poço de merda insofrível onde habitan uns 10.000.000 de pessoas, descendentes na sua imensa maioria de escravos arrincados do coraçom da África, explorados um trás doutro por espanhóis, bucaneiros, franceses, gringos e ditaduras sucessórias de tanta crueldade como ineptitude, amparadas polo poderoso vizinho do Norte. Já era umha putada, ser haitiano, como para que venha um terramoto a esmagar-che a chabola.

Tampouco tenhem sorte os haitianos com as datas. Se quando menos o terramoto fora no Natal, poderiam contar com esse espírito inefável que leva os corações ocidentais a compartir mesa y mantel com os pobres. No 2004, o tsunami do Índico, que foi num 26 de dezembro, e que pilhou a tantos e tantos turistas de férias desfrutando do sol nas praias de Thailandia, e que gravarom com os seus telemóveis o perdidinhos que ficaram os seus hoteis de 5 estrelas, deu pé a umha segunda vaga de solidariedade internacional que arrecadou 7.000 milhões de dólares em ajudas. Michael Schumacher doou 7 milhões de euros, ele sozinho. Mas os haitianos tiverom o seu terramoto em plena costa de Janeiro, quando a tempada de tele-maratonas declinou, e com a crise que ventea polas reganhas das portas.

Mas o coraçom do governo da austeridade de Galiza também amoleceu com as imagens desses pobres malpocados, asomando os seus braços moribundos entre montanhas de entulho e lixo. Por isso, a rumbosa Xunta, por médio da Fundación Axencia Humanitaria de Galicia, vai destinar a assombrosa quantidade de (agarrem-se)… 15.000 euros!!!! para a recuperaçom do Haiti!!!. Dous milhões e méio de pesetas das de antes!!!.

Mira, Feijóo. Permite-me o tuteo, mas o trato de cortesia reservo-o a quem a merece. Feijóo, repito, umha cousa é seres austero, e outra bem distinta é seres um cutre avarento. Para isso nom mandes nada, hom. Se queres mandar tu 10 euros do teu peto a ver se arranjas o Haiti, fai-no, mas nom nos fagas passar a todos por cutres. Porque és o governo de Galiza, tu, mona, e ficamos mal todos. Retratas-te, cutre, mais que cutre. Se podes dar 170.000 euros a umha federaçom "desportiva" para que assassine raposos, nom has de poder mandar outro tanto a essa pobre gente? Se podes dar 40.000 euros ao David Meca para que tome um banho na ria de Arousa, nom podes gastar o mesmo para ajudar a quem o precisa? Cutrenho, avarento. Estira-te, miserento, cicateiro, cochambroso, mas nom dês 15.000 euros nada mais, que me dás vergonha. E nojo. Manda umha quantidade decente, usureiro, fenício, ruim. Que becho mais mesquinho podes chegar a ser, ronhoso, porco, miserável.

Na onomástica, aliás, no LXXII aniversário da Sua Magestade O Rei, Sei O Que Nos Figestes... Nos Últimos 525 Anos compraze-se em espalhar a seguinte mensagem (real) de Dona Maria Seoane Romero, deputada no parlamentinho de cartom, presidenta das Nuevas Generaciones do Partido Popular de Galicia, leiloeira nos tempos livres e caganera maior do Reino:

"Que todas las niñas y niños gallegos que no tengan la posibilidad de hacer llegar sus necesidades a los Reyes puedan hacerlo."

[Informativos Tele5, DOM, 03-JAN-10, 15h25 (hora pequeno-imperial)].

A diferença do nosso programa de cabeceira (SLQH) nós ainda nom fomos proibidos de emitir vídeos de Tele5. Se nom o publicamos o im-pressionante documento é porque, por mais que o procuramos na rede, nom o dêmos encontrado

De SOQNF convidamos a umha ceia no Bar Santiago (Rua das Casas Novas Nº 6, esquina com a Rua do Monte Pio) à primeira pessoa que nos enviar o vídeo em questom. Obrigadom!

E @s meninh@s galeg@s que queiram participar em tam magna "obra" benéfica, já sabem! Sentem-se no "trono", "obrem" em consequência e fagam chegar "as suas necessidades" aos Reis:

Casa de Su Majestad el Rey
Palacio de La Zarzuela
Madrid (Espanha)

Os desejos da bela Maria Seoane (ainda que a cague cada vez que fala) som ordens para nós!

Disque o pais se aproxima a um ano crucial para o seu futuro. Depois do quadriénio bipartido e do início do período feixista, O Nosso Presidente (ONP) nom só está convencido de que o Jacobeu 2010 nos vai tirar da crise na que nos meteu o senhor dos Audis, sultám de Sam Caetano, senom que ademais acredita, praticamente, em que o futuro da Galiza Global que predica começará quando os tijolos da Porta Santa caiam pola graça das marteladas do arcebispo compostelám ().

Umha equipa de Sei o que nos figestes... vem de realizar, aproveitando que foi pedir um subsídio para pôr um ponto de luz na casa, umha arriscada mas reveladora expediçom aos mais profundos corredores dos edifícios administrativos da Xunta de Galicia.

Alí, onde a obscuridade e a pressom semelham insuportáveis, produciu-se o terrível achado. Aproveitando umha visita pastoral d'ONP á factoria de Begano, os cérebros pensantes () do Governinho desenharon umha inquietante campanha para atrair turistas de além-Padornelo aos fastos jacobeus. Vejam, vejam.