Para nom abrir boca (de aborrecimento) apresentamos hoje o último sucesso dum grupo de rock tam ourensano e tam suevo como o mesmíssimo Estraviz. Estamos a falar, como nom, do grupo Los Suevos e do seu hit La Galiña Azul:

La Galiña Azul
Los Suevos
[Música: La niña de azul, Los Suaves]

Eres la Galiña Azul
Antes eras Galescola
Dependías de Quintana
Ahora de Beatriz Mato
Imponías el gallego
Ahora hablas castellano
Ya no tienes banderola
Ni mandilón identitario.

Las vueltas que da la vida
El destino se burla de ti
¿Donde vas, Anxo Quintana?
¿Donde vas triste de ti?
¿Donde vas triste de ti?

¡Uno, dous, three!

Devido a questões de agenda da equipa deste blogue e da pessoa interessada, a entrega do prémio do concurso Umha consigna para Gábi, que tivo lugar na noite do 7 de Fevereiro, demorou praticamente um mês.

Mas afinal conjurárom-se (positivamente) os astros e ontem, 5 de Março, logramos combinar no Centro Social 'O Pichel' parte das pessoas que fam possível este blogue e a nossa protagonista, Ara, autora do lema ¡Niño en galescola, niño con pistola!.

Polas 22h30 (hora galega), e com nocturnidade e aleivosia, saímos d'O Pichel e diante da Galescola de Sam Roque procedemos à entrega dos prémios. A fotografia que ilustra isto (abaixo) decerto passará à história, porque quem sabe o que será das Galescolas a partir do Dia da Mentira??

De Sei o que nos Figestes... lembramos às nossas leitoras e leitores que participar neste blogue tem compensaçom, mas a vossa participaçom é para nós o autêntico prémio!!

Há uns dias anunciámos neste blogue um concurso para escolher umha consigna para Gábi e que seria repetida na inequivocamente apoiada manifestaçom que Galicia Bilingüe convocou para o passado 8 de Fevereiro em Compostela.

Após as votações de um júri popular, também divulgámos o nome da pessoa ganhadora do prémio, que resultou ser a leitora Ara polo lema ¡Niño en galescola, niño con pistola!.

Segundo as bases do concurso, o prémio constaria de chouriços da Terra Chã, queijo de Sam Simom da Costa e mel de Quiroga. Pois aí os tendes nesta imagem: 16 unidades de deliciosos chouriços chairegos, um bote de mel (ecológico!) das terras quiroguesas e um queijo desses que... mmmmmm.... Os produtos som do mais ideal para esta época do ano. Ainda, o queijo combina deliciosamente bem tanto com os chouriços (e um generoso naco de pam) como com o mel, abrindo inúmeras possibilidades como aperitivo, sobremesa e mais de umha mereeeeena, mereeeena (que diria Shin-chan) .

Como dizíamos, os produtos já estám listos para procedermos nesta semana à entrega do prémio. Prometemos foto!