Comba Campoi, umha mulher afouta e simpática

Levávamos desde a Feijoopédia sem atualizar a secçom Sempre nos Meios. E fazemo-lo para falarmos da amiga Comba Campoi, quem numha recente entrevista se lembra de nós.

Também o ridiculismo de “Sei o que nos Figestes...” contribuiu a eliminar muitos preconceitos que arrodeavam o coletivo reintegrata. Acho que nengum sector da sociedade galega desenvolveu um sentido do humor tam inteligente como eles. Para mim, a comparsa de 8 de fevereiro de 2009 (Sunday-Pottery Sunday), formada por toureiros e faralaes “acompanhando” a de Galicia Bilingüe, foi a manifestaçom mais divertida em que participei nunca. Acho que outros movimentos sociais e políticos deviam de tomar nota.

Agradecemos as lindas palavras da Comba para nós, e em rigor também temos de dizer que o prazer foi mútuo, recíproco ou como diantre se diga Faltava mais, ficas convidada, bem-querida camarada, às vindouras ações que convocarmos (*)!

A Comba Campoi, em primeira linha de faixa
na manifestaçom do Domingo Oleiro de 2009

__________

(*) Avisa aonde queres que che enviemos o presunto

Foi num dia igual a hoje, hoje há dous anos. Era 8 de fevereiro mas nom era terça-feira, como hoje. Era domingo, Domingo Oleiro, Sunday Pottery Sunday.

No ano passado, num dia igual a hoje (embora nom fosse domingo nem terça senom segunda-feira) comemorávamos o 1º aniversário do 8-F publicando 8-F: o nunca visto, um vídeo que, como o seu próprio título indicava, continha imagens inéditas do 8-F:

[...] hoje, 8 de fevereiro de 2010, [...] comemoramos (embora nom bebemoremos por estarmos de serviço) o primeiro aniversário do 8-F, que foi um Dia de Glória para nós mas que também nos trouxo consequências (Castighados por palhaços 1 e 2, Toureiro e picoleto, solidariedade!, 'Contramanifestaçom ridiculista', 'contradictio in terminis', Toureiro e Picoleto: Venceremos nós!, Toureiro 'indultao').

E queremos comemorá-lo dando a conhecer umhas imagens do 8-F que tinham permanecido inéditas até esta data. Todo o mundo pudo ver (GzVídeos, A Nossa Terra Diário, LaSexta...) o que aconteceu na Alameda de Compostela e, horas mais tarde, na Rua General Pardinhas (VídeOQuê). Mas só quem estivo alí sabe o que se passou entre um e outro momento.

Mas com aquela compilaçom de imagens inéditas nom se esgotava o filom do Sunday Pottery Sunday, nom. Ainda havia (e há) mais!

Hoje, com motivo do segundo aniversário do 8-F, publicamos 8-F: o nunca visto (antes), vídeo que (como o advérbio de tempo, entre parênteses, do seu título sugere) pode ser considerado umha prequela dos vídeos Rua General Pardinhas, 8-F e 8-F: o nunca visto (sequelas, por sua parte, de Sunday Pottery Sunday: The Movie).

Todas as imagens contidas em8-F: o nunca visto (antes) foram gravadas pola 3A, intrépida reporteira que ficou ao pé da Canon na Alameda de Santiago quando os focos e as câmaras dos meios de comunicaçom se tinham apagado já. O nosso eterno agradecimento a ela, hoje igual que no ano passado.

Leia mais »

Tem pensado Manuel Manquiña dar o salto à política? Terá pensado "el actor Manquiña" (como lhe chamou naquele dia o José Manuel yo-no-soy-tonto Pousada desde o palco da Quintana) seguir os passos dos seus ultra-conservadores colegas Ronald Reagan e Arnold Schwarzenegger?

Leiam o que a nossa colega Cris Moss di hoje na contra-capa do Xornal de Galícia e tirem as suas próprias conclussões:

POIS XA QUE O SABES, VOUCHO A DECIR
Manquiña achégase ao Partido Popular

Cris Moss

- Non resultan unha novidade os posicionamentos do actor Manuel Manquiña a respecto de cuestións sensibles no país, como é o caso da lingua. Afirmacións como “por mucho que joda, Galicia es muy bilingüe” o pasado verán en Xornal de Galicia, suscitaron encendidas controversias en diversos foros.

- Malia ás súas opinións, Manquiña nunca se ten posicionado, ata o momento, de xeito partidario. Non obstante onte foi posible observar como o artista se achegaba á voceira do PP no Congreso, Soraya Sáenz de Santamaría, para intercambiar impresións coa conservadora durante unha visita a Santiago.

- Pouco despois deste encontro casual -testemuñas presenciais aseguran que a popular deu mostras de non coñecer ao actor-, Manquiña volveu ser visto en compañía doutro membro do PP, desta volta, conversando cun destacado deputado da formación polos corredores do Parlamento de Galicia.

- O protagonista de filmes como Airbag, cunha dilatada carreira na Televisión de Galicia, amosa a súa proximidade ao PPdeG pouco máis dun ano despois de ter mostrado publicamente o seu apoio á asociación Galicia Bilingüe, e à manifestación que este colectivo celebrou antes das eleccións do 1-M.

[Xornal de Galícia, QUI, 04-MAR-2010, contra-capa].

Mais sobre o Manquiña em SeiOQue.Com:

- Manquiña reafirma-se desde o seu mundo para anormal (QUA, 18-FEV-09)
- Manquiña, "valiente español" (SEX, 06-FEV-09)