Nos últimos meses, um hino pop/trance em francês, interpretado pola flamenga Kate Ryan fai vibrar todas as pistas de baile da Europa:

Porém, pouca gente sabe que este temaço de mademoiselle Ryan é, mais umha vez (Désenchantée, Libertine, Voyage Voyage, The Promise You Made...), umha cover, reprise ou versom, neste caso dumha cançom composta por Michel Berger e lançada pola sua encantadora esposa France Gall em 1987, como homenagem à estrela do jazz Ella Fitzgerald:

Menos espectacular na ambientaçom (e sobretudo na indumentária da protagonista), o vídeo de France Gall ao menos tem a virtude de se aproximar um bocado à temática da cançom, esse petit supplément d'âme que se atribui à voz de Ella Fitzgerald, como epítome da história do povo negro, que balança entre l'amour et le désespoir.

Além da própria Fitzgerald, no clip aparecem imagens de Louis Armstrong, Muhammad Ali ou Tommie Smith e John Carlos, todos eles ícones do movimento negro de libertaçom, que no seu dia reivindicara a VA-CA ao proclamar a Galiza Negra:

Em resumo, ainda que nunca a ponham no Avante!, a petarda da Kate Ryan também se pode bailar com o punho em alto. No interior do post deixamos-vos umha traduçom ao galego da letra de Ella, elle l'a e um pequeno bonus track.

Actualizado a 17 de outubro de 2008

Via Carabassa, acabamos de saber que o mês de outubro é, no Reino Unido, o Black History Month, umha efeméride para lembrar, cada ano, as pessoas e factos mais salientáveis da diáspora (amiúde forçada) de africanos para a América. No jornal The Guardian publicam, a partir da segunda feira, um dossier especial.

Leia mais »