Todo o mundo tem as suas parafilias. Há quem gosta de se esfregar contra outras pessoas, quem gosta de mostrar os genitais em público e mesmo quem gosta de ser pisado. Na equipa de redacçom de Sei o que nos figestes nos últimos... 525 anos temos uma perversom ainda mais doentia: entrar nos foros de Galicia Bilingüe.

Nesse fascinante universo de españoleo e bizarria, brilha com luz própria o fio destinado a preparar a manifestaçom que, sob o slogan "Galicia es bilingüe. Queremos libertad para elegir", terá lugar o vindouro 8 de Fevereiro na aldeia de Santiago de Compostela. Entre outras intervençons igualmente delirantes e desproporcionadas, queremos chamar a atençom sobre esta:

Clic para alargar

Estrelas de David com a palavra "español"! Será que Galicia Bilingüe começa uma sofisticada estratégia de auto-ridiculismo? A verdade é que vai ser assaz difícil ridiculizarmos uma manifestaçom cujos promotores comparam a situaçom do espanhol na Galiza com o extermínio programado de judeus durante o Terceiro Reich. A embaixada de Israel, sempre tam solícita, nom vai protestar por esta banalizaçom da Shoah? Pola nossa parte, e com a que está a cair sobre Gaza, só se nos ocorre responder-lhes com isto: