Desde Sei o que nos Figestes... nos últimos 525 anos temos exprimido a nossa preocupaçom crescente polas condiçons das tubagens de gás urbano sob a sede do PP da Corunha. As declaraçons e actuaçons do líder dessa formaçom política na cidade som tam desconcertantes que nom as podemos assumir como feitas em pleno exercício das suas faculdades mentais. Por desgraça as autoridades e o serviço de gás da cidade passam de nós cada vez que chamamos. Com todo, novos feitos podem esclarecer a origem desse comportamento.

Os factos som os seguintes: Tanto o libelo libegal Periodista Digital, o grupo municipal do PP e La Voz de Galicia começarom há uns dias, e por essa ordem, umha série de ataques em forma de declaraçons apocalípticas e conspiranoicas contra o Festival pola Língua organizado polo C.S. Atreu, a Concelharia de Mocidade apoiado por vários locais e a associaçom de vizinhos de Monte Alto. Se empregam uns momentos para lerem os artigos ligados entenderam a nossa preocupaçom: A mimetizaçom total dos "argumentos" dum panfleto de ultradireita na rede por parte do jornal de maior tirada do país e o grupo da oposiçom dumha das nossas grandes urbes. Nom podemos adiantar muito da nossa investigaçom mas estamos quase certos de que a origem das coincidências ideológicas está ligado com o açúcar para os cafés que os três grupos implicados compram no mesmo distribuidor...

Por todo o anterior, e continuando com a nossa vocaçom de serviço público tomamos o relevo daquela campanha da FAD:

Isto é o que o PP, La Voz de Galicia e Periodista Digital crem que está passando:

[Premer para HD]

Isto é o que está a passar:

Galegofobia: e você, como a vê?

[Captura da cabeceira do Mestre Mateo no programa SLQH]

Dos autores das conversas secretas de Antón Losada, chega-nos agora um documento em exclusiva sobre a notícia falsa com que Chuza celebrou o Dia da Mentira (1 de Abril) mas que a Voz de Fernández-Latorre publicou como verídica... dá para pensar que acontecesse isso no jornal onde trabalha Julio Á. Fariñas, sempre à última hora no jornalismo judicial!

Em resumo, que a equipa de investigaçom do diário El Pis (quem se nom!!?) logrou fazer-se com a transcriçom das conversas entre o Senhor X e o Senhor Y que dérom como resultado um dos dias mais gloriosos da internet galega.

Em rigorosa exclusiva para Sei o que nos Figestes..., o verídico (e exclusivo) documento que revela como se tarda menos em criar umha notícia falsa (48 minutos) do que os meios 'sérios' em rectificarem-na (mais de umha hora!!).

Leia mais »