Meus bem-queridos novos súbditos:

Já estou aguardando que chegue o momento de governar... deveço por tomar possessom. E tenho umha proposta da que havedes gostar.

Já ando a dar voltas á cabeça para aplicar medidas contra a crise, preocupado ademais pola alimentaçom dos galegos, e a minha proposta é a seguinte: eu, que já nom me lembro de quando corria diante dos grises, e sempre gostei do Regime de Franco, que te mantinha á raia e cara ao sol. Nas minhas viagens eleitorais á América descobrim um gostoso prato: a feijoada, energético, muito bem combinável com a minha afeiçom ao desporto.

E o vindouro 1º de abril empezamos a regime (que bem me sairam as cousas, ademais é quarta, que é tradiçom jantar feijoada). Preparai-vos bem, que há que festejar o Dia da Vitória -já vos hei informar polo miúdo em breve tempo-.

Pois dizia eu, que seria muito belo recuperar aquela velha tradiçom do Día do Prato Único ... ahhh, que tempos, aquilo si era regime, caralho! A partir de agora convoco-vos a celebrar todos os dias 1 e 15 de mês que coincidam em quarta ou sábado... o Dia do Prato Único, o novo Prato Nacional...

Dou-vos umha anotaçom de receita de feijoada, mesmo um pequeno curso acelerado para que a fagades com carinho e tenhades bom proveito... com Jacobe