1486-2011
Eurovisom 2011
Clube de Fãs - Galiza
Começámos?
Caminho a_Teu
Como todo o mundo sabe neste sábado, 11 de Outubro de 2008 (véspera da Fiesta Nacional de España ou Día de la Hispanidad), a plataforma cidadá Sei o que nos figestes... nos últimos 525 anos celebra umha grande Fiesta Españhola no C. S. O Pichel (Santa Clara, 21, Compostela), a festa do 12 que se fai no 11.
A cinco dias da sua celebraçom procedemos a dar mais detalhes sobre tam fantástica Fiesta, umha festa que também servirá como apresentaçom em sociedade da plataforma cidadá Sei o que nos figestes... nos últimos 525 anos.
Resposta:
Como curiosidade dizer que a Fiesta Españhola se celebrará exactamente três anos depois da celebraçom, em 11 de Outubro de 2005, também no C. S. O Pichel, da festa do 3º níver da tristemente desaparecida VA-CA, organizaçom nom-organizaçom que no seu Manifesto Cruel e Poderoso Sei o que nos figestes... reivindica como precursora.
A Fiesta Españhola deste sábado será (por se alguém ainda nom se deu conta) umha festa ridicul(ar)ista. Porque Umha (outra) Grande Rachí é possível!
A Fiesta Españhola será também umha festa pirosa ou cafona. Como os Ministros do Metal cantam (a versionar o Miguel Ríos): @s Filh@s da Festa Hortera, sei bem-vind@s!!!
Cinema de Bairro
Os actos comemorativos (e bebemorativos) da Fiesta Nacional de España ou Día de la Hispanidad (Domingo, 12 de Outubro) começam às 20h00 (hora españhola) do sábado 11 com a projecçom do filme Cristóbal Colón, de oficio... descubridor (Mariano Ozores, 1982).
A Fiesta Españhola propriamente dita começa às 22h00, hora espanhola. Embora resulte muito pouco espanhol, roga-se pontualidade.
Dress Code
À Fiesta Españhola há que ir disfarçado/a de espanhol/a. Cada um/umha que interprete isso como quiser, livremente. Libertinamente mesmo, confundindo libertad com libertinaje se for preciso. Eis algumhas sugestões de disfarce: personagens históricas (podedes tirar algumha ideia da letra da cançom de Joaquín Sabina Adivina, adivinanza); profissões tipicamente espanholas (torero, folclórica, guarda civil...); famosos/as em acçom (Duquesa de Alba, Duques de Lugo, Príncipes das Astúrias...); zipáios (Cristovão Colombo, Francisco Franco, Manuel Fraga, Mariano Rajoy...) e ciganos aflamencados (El Cigala, Lola Flores, El Pescaílla, Camarón...), etc, etc, etc. Deixa sair do armário (embora só seja por um dia) a/o espanholaç@ que levas dentro!
Fotocol
À entrada do C. S. O Pichel, entrando a mao esquerda, instalaremos um fotocol (perfeitamente identificado em plam Dicionário Vivo) onde as/os jornalistas gráficas/os da imprensa cor-de-rosa poderám imortalizar as/os V.I.P.s (Vassalos/as do Império Pequeno) que assistirem à Fiesta.
Dieta Mediterrânica
Com motivo da Fiesta Españhola no C. S. O Pichel servirá-se tortilha espanhola e sangria a preços populares.
Cançom espanhola
Nem que dizer tem que no coso taurino/pista de dança do C. S. O Pichel poderemos desfrutar (em audio e em vídeo) de todas essas canções espanholas que marcaram as nossas vidas de míseros colonizadas/os e que, para bem e para mal, todos e todas sabemos de cor.
Agradecimentos
Muitíssimo obrigado a Vieiros, aos chuceiros queique e gerardinho2000 e muito especialmente ao amigo Berto Yáñez e ao seu Chuza! pola difussom!!! :)
16 comentários
Festaaaaaaa!!!
Mas, penso que vos falta um detalhe:
A Pilarica.
Eu poria umha na entrada, feita com papel de seda branco artísticamente enrugado e, embaixo, pegaria um collage de meninhos do jeito das ilustrações da Enciclopédia Álvarez, com cada em sua bandeira dos paises de fala espanhola. Umha grande bandeira espanhola cubriria todo o cartaz,
Que vos parece a ideia?
Mágoa nom poder asistir.
Encanta-me cantar coplas e sei umha cheia delas: La falsa monea, la bien pagá, Maria de la O,Pena penita pena...Encantava-me Carlos Cano e Miguel de Molina. Tamém me encantam El Cigala, Bambino, Camaron, Paco de Lucia, e todos os ciganos flamencos e da rumba catalana, em geral, ainda que flamenco, como é natural, nom sei cantar. O flamenco para mim é algo exótico, diferente e muito fermoso. Nom o identifico para nada com a coloniçaçom espanholeira. como La Pantoja ou os toureiros, por exemplo.
PS: O da Pilarica, nom é ideia própria, mas dumha companheira com a que tabalhei num colégio que era um vindeo-ver.
A PIlarica dou para rir uns dias e até tirei algumha foto, mas já nom sei onde iram.
É verdade! Para além de ser Día de la Raza, Fiesta Nacional de España e Día de la Hispanidad 12 de Outubro é também Día del Pilar, padroeira da Benemérita e da Hispanidad! Infelizmente o tempo disponível nom nos dá para fazermos a artistada que nos propós!
Mas se topas algumha dessas fotos que dis que figeches enviano-la que já a colocamos num lugar em destaque!
Assim que nom podes vir à festa! Que mágoa, na verdade, porque estás a fazer-te "famosa" em Sei O Que Nos Figeches... e estamos desejando conhecer-te em pessoa já!
Algum dia, espero poder ir.
Inchallah.
Confirmo a assitência de dous reporteres de LIBERTAD DIGITAL.
Genial! Que no nos falte de ná, que no, que no! X-)))
Que, como foi tudo?
Que mágoa nom poder assistir!
A ver se volvo a recuperar a normalidade e podo volver a viver outra vez todas as possibilidades que vou descobrindo!
Espero que a festa fosse um grande sucesso, que falta fai algo de humor e criatividade nestes tempos de tanta chatice.
Pois já que o perguntas, correu tudo de maravilha, aliás, de puta madre! (o copyright desta portuñhola e expressiva expressom pertence ao amigo Eugénio Outeiro). Um outro grande sucesso do ridicul(ar)ismo galego, já verás as fotos e os vídeos! X-D
P.S.: Pois que recuperes logo a normalidade essa que dis que perdeches, amiga!
Logo, como dim em Camarinhas, chachi, companheiro!
Em Camarinhas, na minha terra e no resto da Galeguia ou Lusofonia! Logo: adv., imediatamente; sem demora; com a maior brevidade (Dicionário Piberam). Pois isso, bem loguinho!
Logo:conj. Por conseguinte, por tanto:
Fonte escrita: Estraviz.
Fonte ao escrever: A minha cabeça.
Logo:conj.,
portanto.
Fonte: Priberam online.
E logo serão estas correições a contrapelo as que levam à gente a falar tam mal dos reintegracionistas?
Porque ninguem gosta de ser corrigido se nom o pediu e, sobre tudo, quando o que corrige, pensa que sabe mais da conta.
E pois logo compreendo um chisquinho milhor a postura dos que rejeitam o reintegracionismo por motivos pessoais, cousa que nom devia de passar, mas...a gente nom gosta das leições magistrais a nom ser que esteja preparada e predisposta para as receber.
Mas de que "correições a contrapelo" estás a falar, Lurinha?!? Eu o único que pretendia sinalar é que em Camarinhas (e na minha terra também se "a minha cabeça" nom me falha) o significado que se dá à palavra "logo" é perfeitamente correto do ponto de vista galegófono/lusófono! Desculpa lá se ferim a tua sensibilidade!
Desculpa logo ti, ho.
E que eu som-che da Costa da Morte e as mulheres por aquí somos mui bravas.
Como dizia minha avoa, nom levamos dous a cavalo.
Depois, no fundo, somos umha manteigas mas, de primeiras, nom queremos deixar passar umha.
Desculpas outra vez.
Nom percebim bem o que me querias dizer e pensei que me estavas a corrigir sem eu cho pedir.
Um biquinho-beijinho- ou umha aperta-abraço-
Considera-o polo lado bom:
Quando che diga algo bom, sempre has ficar seguro de que é o que sinto .
É a vantagem de nom levar dous a cavalo..
O perigo, é dizer arroutadas sem jeito.
Desculpas aceites, mulher da Costa Brava! ;-P
Um outro (beijinho/biquinho ou abraço) para ti, Lurinha! :-)
Feed dos comentários para esse post.
Comentárom: