Sei o que nos figestes... nos últimos anos apresenta o filme-documentário do nosso ex-presidente da Xunta, Al Bore, que trata sobre a mudança climático-política no país e das suas conseqüências.

Umha verdade inconveniente som 120 minutos de fiel reflexo da sociedade galega e dos seus apoderados. Nele explica-se como certas condutas quotidianas como: Nom reciclar o lixo (votando o partido de Rosa Díez) ou o desmesurado consumo de papel higiénico (em troques de usar o jornal de La Coz), está acabar com a civilizaçom galega, destruindo o seu hábitat e favorecendo a instalaçom e supremacia de espécies nom autóctones.

Também se fai umha nom-exaustiva análise sobre os catastróficos vindouros anos: a volta do Supermartes apresentado por Jorge Mira, O nomeamento de Gloria Lago como secretária-geral de política lingüística, a criaçom d'A Mesa polo bilingüísmo harmónico e a substituiçom das galescolas por tablaos flamencos.