Estava eu tam tranqüila navegando quando, de supetom, vim umha notícia que me deixou sem alento:

[Prima aqui para ler a notícia]

Segundo ia lendo, aos poucos fum ficando encarnada de carragem. Em resumo, que o Partido Popular sucumbiu ao lobby antiabortista (profundamente ligado com a direita espanholista mais extrema e racista) para que no Parlamentinho de Cartom da Galiza se poda debater umha proposta que realiza afirmações como as que seguem:

• «as mulheres carecem de liberdade real para escolher [entre abortar ou nom], a sociedade nom está a oferecer alternativas sérias e convertemo-nos [as mulheres] de novo em vítimas da violência de género»
• «[em relaçom com o aborto] a morte é o único certo, a vida é o único urgente»
• «[a interrupçom da gestaçom] é a principal causa de morte no nosso país»

que na Maricrista '09 saímos à rua para que afastassem os seus rosários dos nossos ovários, pedimos o PP que afastem também deles A SUA MÃO!

[A mão do PP entrou no Parlamentinho]

Sob o título de Maricrista'09 a Frente Activista contra a LGBTfobia Panteras Rosa Galiza celebrou ontem à noite umha procissom+festa que contou com o apoio de Sei O Que Nos Figestes... Nos Últimos 525 Anos.

A despeito de ter comprometido aqui a minha assistência, afinal, por um problema de agenda, eu nom pudem assistir. Mas, segundo me contam, a cousa nom acabou como el rosario de la aurora, as manifestantas nom paparam umhas hóstias, porque Dior (e com firma reconhecida!) nom o quixo.

Ay, Dolores, siempre me la pegas
con Don Hugo y Don Simón
al día siguiente te duele la cabeza
y a mí el corazón.
[ST - Ay, Dolores!]

Quem sim que estivo alí, allo paparazzi, foi a intrépida 3A. A 3A tivo a gentileza de oferecer-nos em exclusiva estas fotografias. Muitíssimo obrigado à nossa querida amiga!

Mais info em MariBolheras, Vieiros, Chuza [1 e 2] e GzVídeos.

Atualizaçom DOM, 05-ABR-09

Entre foto e foto a 3A ainta tivo tempo de gravar algum vídeo. Eis os vídeos que a nossa amiga nos enviou, todos editadinhos. Mais umha vez, obrigadíssimo 3A!

As nossas amigas as Panteras Rosas convocam nesta sexta-feira, dia 3 de abril, umha procissom-festa que vai reivindicar que a hierarquia católica mantenha "o rosário afastado dos nossos ovários", em resposta à campanha anti-abortista lançada nas últimas semanas pola Igreja católica, apostólica e romana (ICAR).

Sob o nome de Maricrista '09, as Panteras Rosas marcharám polas ruas do centro da capital da Galiza, onde o aparelho da ICAR mantém umha importante presença, denunciando a sua política repressiva. Depois da marcha, à meia-noite, haverá umha festa no café-bar As Duas ("Se nota, se siente, es un local de ambiente"), onde servirám, segundo a entidade convocante, "hóstias e água benta".

Vários elementos da equipa de redacçom de "Sei o que nos figestes... nos últimos 525 anos" iremos "oferecidos" aos actos litúrgicos. Que nom falte nem Maria Santíssima!

Maricrista '09
Sexta-feira, 3 de Abril de 2009
Na Praça do Pam (Cervantes) de Santiago de Compostela
A partir das 22h00 (hora pequeno-imperial)