Ainda sem ser mencionada por nengures, a plataforma cidadá Sei O Que Nos Figestes... voltou saltar estes dias à palestra graças ao debate que sobre o Ridiculismo se publica no último numero do mensal Novas da Galiza e no qual participárom os amigos Isaac Lourido (em favor) Xoán R. Sampedro (contra).

Curiosamente foi este último a primeira pessoa a dar notícia do nascimento de SOQNF na imprensa escrita (Galicia Hoxe, 31-JUL-2008, pág. 28) quando nom tínhamos mais que o nosso manifesto fundacional no ar (Manifesto Cruel e Poderoso onde, já agora, em nengum momento nos definimos como ridiculistas) e nom tínhamos desatado as nossas hostilidades ainda.

Esta primeira apariçom de SOQNF nos papéis foi tam temperá que quando criámos a categoria Sempre nos meios (que deveu ser dous meses depois, em finais de setembro) já a tínhamos esquecido.

Aproveitamos que o amigo Xoán R. Sampedro se voltou lembrar de nós para subsanarmos este imperdoável esquecimento

No seu último número, o 90 já, o Novas da Galiza publica na seçom "Palestra" um interessante face to face entre Xoán R. Sampedro e Isaac Lourido acerca do fenómeno «ridiculismo».

Normalmente publicamos na seçom 'Sempre nos Meios' as nossas aparições na imprensa. Neste caso figemos umha exeçom porque, se bem na palestra nom se fala diretamente de nós, sim que se aludem feitos que nós protagonizamos.

Passem e julguem!!

[Prima aqui para alargar a imagem]

Às portas mesmas do verao, no mês de Junho, chegava às bancas o n.º 78 do periódico Novas da Galiza. Como todos os meses, a publicaçom soberanista vinha acompanhada do suplemento A Revista, que atingia já nove números.

Nesse número, o artigo central estivo dedicado a umha descoberta do nosso bem-querido amigo Hermerico Pinheira e que tinha como protagonista o irmao Daniel, galeguista de sempre:

[Prima sobre a imagem para descarregar o ficheiro PDF]

Leia mais »