No passado dia 22, depois da histórica manifestaçom que conseguiu ateigar a Praça do Obradoiro em defesa do galego, o jornal da capital pequeno-imperial 'La Razón' surpreendia próprios e estranhos com umha estrambótica capa em que dous indivíduos de escuro faziam umha fogata com um trapo de cores cálidas.

Já referimos aqui as surpreendentes conclusons da investigaçom policial a respeito da identidade dos indivíduos em questom. O que ainda nom dixemos, e que fontes de sobrada solvência nos confirmam, é que o jornal madrileno tinha prontas várias capas antes de se decidir pola da bandeirinha.

A seguir oferecemos umha escolha das fotos que o jornal baralhava para a capa de dia 22. Como é costume, cliquem na imagem para alargá-la.

Leia mais »

Na passada quinta-feira, dia 21, da plataforma cidadá Sei O Que Nos Figestes... Nos Últimos 525 Anos participamos com faixa própria na manif que, contra o decretaço do galego, convocou a plataforma Queremos Galego.

Cinco dias depois da histórica jornada publicamos em slideshow a meia dúzia de fotos que do nosso cortejo (subversivo-esmorgueiro mas, nesta ocasiom, nom ridiculista) fomos encontrando por aí (Twiter, Facebook, Flickr, Tuenti...).

Muitíssimo obrigado a Berto Yáñez (fotos 1 e 2), Pilar Ponte (foto 3, via Pedro Ortueta no Facebook), Marta Neira Carpinteiro (foto 4, via Tuenti) e Roberto Bouça (fotos 5 e 6).

Ontem, segunda-feira 18 de janeiro, o amigo Carlos Callón falou de nós no Galicia Hoxe:

CARLOS CALLÓN
:: POR NAVEGAR AO DESVÍO
A caridade

[...] Como cidadán galego, non podo menos que sentir unha enorme vergoña pola insolidariedade profunda da Xunta, que a través da Fundación Axencia Humanitaria de Galiza só achega 15.000 euros para comprar kits hixiénicos, de cociña e sanitarios para este país.

Moitas e moitos preguntámonos como se atreveron tan sequera a enviar un comunicado de imprensa para anuncialo, porque enrubia tanto cutrerío e indiferenza pola dor allea. Mentres, este mesmiño autoproclamado "goberno da austeridade" despilfarra diñeiro a mans cheas por exemplo en accións contra a lingua galega ou, como nos lembraba a xente de Sei O Que, sufragando con 170.000 euros a caza de raposos [...]

[Galicia Hoxe, SEG, 18-JAN-10, pág. 6]

De Sei O Que Nos Figestes... queremos agradecer hoje a referência ao amigo Charly e aproveitamos a ocasiom para anunciar que depois de amanhã, quinta-feira 21, às 11h30 (hora pequeno imperial), alí estaremos, na Alameda de Compostela, ao pé do Callón ;-)