No passado sábado uma delegaçom de Seioque deslocou-se a Caldas de Reis para assistir os concertos do festival Cultura Quente, especialmente motivados para ver os nossos admirados Tony Lomba e Elio dos Santos (akka Los tres sudamaricones).

Sabíamos que a actuaçom seria magnífica, mas nom esperávamos que alguns exaltados 'dos nossos' nom conseguissem entender a ironia e o espírito ridiculista destes artistaços, provocando umha resposta de Tony Lomba que deverá passar à história.

Seja como for, e fruto desta excursom festiva, orgulhamo-nos de oferecer a seguir e em exclusivo o vídeo da interpretaçom do super-hit ridiculista Bandera Bandera.

Ainda sem ser mencionada por nengures, a plataforma cidadá Sei O Que Nos Figestes... voltou saltar estes dias à palestra graças ao debate que sobre o Ridiculismo se publica no último numero do mensal Novas da Galiza e no qual participárom os amigos Isaac Lourido (em favor) Xoán R. Sampedro (contra).

Curiosamente foi este último a primeira pessoa a dar notícia do nascimento de SOQNF na imprensa escrita (Galicia Hoxe, 31-JUL-2008, pág. 28) quando nom tínhamos mais que o nosso manifesto fundacional no ar (Manifesto Cruel e Poderoso onde, já agora, em nengum momento nos definimos como ridiculistas) e nom tínhamos desatado as nossas hostilidades ainda.

Esta primeira apariçom de SOQNF nos papéis foi tam temperá que quando criámos a categoria Sempre nos meios (que deveu ser dous meses depois, em finais de setembro) já a tínhamos esquecido.

Aproveitamos que o amigo Xoán R. Sampedro se voltou lembrar de nós para subsanarmos este imperdoável esquecimento