As nossas armas som os trompetes e os trombones, os piadas e os disfarces, os bailes e as regueifas, o sorriso e a gargalhada, o elogio e o galanteio dos nossos inimigos, e estas som mais fortes que as suas porras.

Resposta:

Porque nós temos mil respostas e eles só umha. Porque cada palavra que digam será alimento para as nossas festas e a nossa diversom. Porque o ódio na sua mirada projecta sombras de cinza que o nosso espectro de humor dissolve na nada. Porque um homem disfarçado de toureiro é muito mais poderoso que um que veste cada dia de polícia..Porque hoje demonstramos mais umha vez, que eles som os escuros, e que nos somos shiny happy -people. Bufons cheios de luz.

Porque se para eles umha maraca em maos dumha velha mulher é um arma, porque se umha faixa humorística que celebra o "Dia Internacional do Parvo" levada por quatro raparigos novos é um perigo, porque se uns companheiros vestidos de vaca som uns terroristas, porque se ante o humor só podem responder com os mesmos métodos que empregam contra a confrontaçom directa, porque se só podem caminhar dentro dumha borbulha de antidistúrbios, e ainda assim pensam que a "sociedade" está com eles... entom ganhamos. Ganhamos porque nosso é o mundo real, o seu reino ficou já na fantasia do autoengano e a paranoia.

Hoje demonstramos que a Festa será o caminho para a nossa liberdade. Porque nos libera da raiva, porque nos enche de humor e sorrisos. Com ela somos livres do ódio e da carragem e podemos caminhar, mentres bailamos, mui mui longe deles, a um lugar onde nom podem chegar com os seus supremacismos e os seus mundos em branco e preto. A través do humor somos livres, a través do humor liberaremos este país.

Addendum: Como diria um humorista espanhol, Si no saben aguantar una broma... que se marchen del pueblo.