Trasanteontem, terça-feira 17 de maio (Dia das Letras Galegas, da Internet e da Sociedade da Informaçom) inteiravamo-nos através do próprio programa que Sé Lo Que Hicísteis..., fonte de inspiraçom de Sei O Que Nos Figestes... e buque insígnia de La Sexta, acabava na sexta. Que acabava nesta sexta-feira, 20 de maio. Que acaba hoje, vamos. Mas nom fomos nós os únicos a sermos surpreendidos ao vivo e em direto por tam triste notícia. Vejam senom:

Após cinco anos triunfais El Senhor de La Sexta cancelou "o programa que revolucionou as sobremesas com umha nova forma de fazer televisom" sem prévio aviso.

Acaba Sé Lo Que Hicísteis... mas Sei O Que Nos Figestes... continua. Só até finais do Verão ou princípios do Outono mas continua.

Porque sim, amiguinhos e amiguinhas, arredor dessas datas Sei O Que Nos Figestes... baixará o pano também definitivamente. A que venhem essas reações ao Patrícia Conde!? Sabíades que isto acabaria (e aproximadamente quando) desde o princípio! Desde o princípio dos tempos sabíades que Sei O Que Nos Figestes... era um projeto com data de validade. Já o dizíamos no Manifesto Cruel e Poderoso, o nosso manifesto fundacional feito público no 25 de Julho de 2008:

[...] Na linha subversivo-esmorgueira marcada polos esquisitos cadáveres da VA-CA, a CA-CA, os ASF, a FREAC e, mais recentemente, as iniciativas ridiculistas de TGCG, proclamamos a Resistência Fútil contra a colonizaçom mental do Império Pequeno.

O pretexto é, mais uma vez, a comemoraçom de uma efeméride: os 525 anos do que Castelao, citando (livremente) os Anais de Aragom de Jerónimo Zurita, denominou a «doma e castraçom do Reino de Galiza». Um processo de centralizaçom política que podemos acoutar simbolicamente entre duas datas: o mês de Dezembro de 1483, em que o rebelde Pardo de Cela foi decapitado «por cruel e poderoso», e o mês de Setembro-Outubro de 1486, em que os Reis Católicos vinhérom comer uma mariscada a Santiago de Compostela, capital duma Galiza já submissa ao poder real. Portanto, e se nom nos dá antes a Frouxeira, serám três anos (2008-2011) para comemorar (e bebemorar) a tradiçom e a mitologia galeguista em clave pop e renovar os nossos votos a favor de Joana, a raínha que para os espanhois é «la Beltraneja» e para os portugueses é «a excelente Senhora» [...]

Devido a um "erro informático" (pode-lhe passar a qualquer um/umha) no Manifesto Cruel e Poderoso falávamos do "mês de Novembro" e nom dos "meses de Setembro e Outubro" como datas do ano 1486 "em que os Reis Católicos vinhérom comer uma mariscada a Santiago de Compostela", como aconteceu 'realmente'.

Este erro subsanaríamo-lo dous anos e dous meses depois (em setembro do ano passado) a meio da publicaçom dumha extensa reportagem de investigaçom intitulada 525 anos de Doma & Castraçom: um ano antes... e dous depois (desculpem pola redundância) publicada em três entregas em três dias sucessivos [1][2][3]. Na terceira e última das quais dizíamos:

Em 15 de setembro de 1486 entravam os Reis Católicos em Santiago de Compostela, o coraçom da Galiza. Com umha semana de adianto a respeito do Outono astronômico começava a longa temporada Outono-Inverno dos 525 anos em que ainda vivemos.

O 15 de setembro (...) poderia ser, pois, umha boa data para comemorarmos (e bebemorarmos) anualmente a Doma & Castraçom do Reino da Galiza.

Mas Belnando (ou Isafer, que tanto monta, monta tanto), autênticos Brangelina do Quatrocento no que a sex appeal e obras de caridade se refere (...), permanecerom em Compostela até o dia 6 de outubro.

Portanto, qualquer data entre 15 de setembo e 6 de outubro pode estar bem para comemorar (e bebemorar) a efeméride (especialmente se cair em fim-de-semana).

Bom, há entre umha e outra umha data que tem umha especial carga simbólica e que também poderia estar bem. Falamos, é claro, do dia em que entra o Outono (isso, no nosso Hemisfério, acontece em 22 ou 23 de setembro, dependendo do ano).

[...]

No ano que vem por estas datas comemoraremos (e bebemoraremos) os 525 anos de Doma & Castraçom pola segunda vez (1483-2008 / 1486-2011) e o periodo vital de Sei O Que Nos Figestes... (2008-2011) terá chegado ao seu fim.

Portanto, nalgum dia ainda sem determinar entre o 15 de setembro e o 6 de outubro próximos, quatro meses depois que o nosso programa de referência, nós também fecharemos o chiringuito.

Nom sabemos o que a Patrícia Conde e as/os suas/seus colegas nos terám preparado para o seu último programa que se emite esta tarde mas...

[...] a nossa intençom é despedirmo-nos ao grande, com umha grande Manifestaçom Nacional no Obradoiro (sob o lema provissório de “1486-2011, 525 anos de Doma & Castraçom: nem esquecimento nem perdom”) em que esperamos ver-vos a todas/os vós [...] 15 de setembro e 6 de outubro caem em quinta-feira. E o Outono entrará na sexta-feira 23 de setembro, às 09h04 (GMT) exatamente. Talvez o fim-de do sábado 17 (e domingo 18) pudera estar bem. Enfim, temos todo um ano quatro meses para pensá-lo, já vos avisaremos em tempo!

525 anos de Doma & Castraçom: nem esquecimento nem perdom!
525 Anos, nem um a mais!
Against The Spanish Inquisition, Galician Revolution!

Follow up:

Ao longo destes quase três anos de convivência mútua Sé Lo Que Hicísteis... inspirou diretamente alguns dos post publicados neste humilde blogue. Eis uns quantos exemplos:

Caminho a_Teu: When SOQNF met SLQH
Um exclusivo de... seioque
Domingo, 07 de Novembro de 2010

Estás é na seita
Um exclusivo de... Jenaro Jesus Marinhas
Terça, 08 de Dezembro de 2009

Olhos de husky (Feijóo)
Um exclusivo de... Jenaro Jesus Marinhas
Quinta, 03 de Dezembro de 2009

"¿Cuándo te has avergonzado de ser español?"
Um exclusivo de... Jenaro Jesus Marinhas
Quinta, 19 de Novembro de 2009

Despacho real... ou imaginário? (procure as 7 diferenças)
Um exclusivo de... Jenaro Jesus Marinhas
Terça, 03 de Novembro de 2009

Aromaterapia
Um exclusivo de... Jenaro Jesus Marinhas
Quinta, 21 de Maio de 2009

Miki... Quer Tocar a Gloria!
Um exclusivo de... Mª do Carmo Fornelos Salido
Segunda, 20 de Abril de 2009

Duas mulheres, mesmos direitos
Um exclusivo de... Gennara del Bruzzo
Terça, 03 de Fevereiro de 2009

Patrícia Conde: "Vamos a liarla 'parda'!"
Um exclusivo de... Jenaro Jesus Marinhas
Quarta, 10 de Dezembro de 2008

Meirás, setenta anos depois
Um exclusivo de... Jenaro Jesus Marinhas
Sexta, 05 de Dezembro de 2008

Mais de 50 pessoas brindam polo Ángel Martín
Um exclusivo de... seioque
Sábado, 22 de Novembro de 2008

Urgente! Brindemos pola nom-entrevista a Julián Muñoz
Um exclusivo de... Franco Vicetto
Sexta, 21 de Novembro de 2008

20-N: Francisco Franco Bahamonde, APRESENTA-O!!!
Um exclusivo de... seioque
Quinta, 20 de Novembro de 2008