2 de abril de 2009. Minutos depois de fazer-se público o acordo da unánime Executiva em funções do BNG polo que era ratificado á frente da porta-vozia parlamentar, em declarações ao Xornal de Galicia, Carlos Aymerich mostrava a sua intençom de exercer umha “oposiçom rigorosa” frente às “intenções” de quem na altura era futuro presidente da Junta, Alberto Núñez Feijóo. Na opiniom do deputado eleito pola província da Corunha estas poderiam ser comparadas cumha “brigada de demolições”.

29 de abril de 2009, I Jornadas de Formaçom e Debate organizadas pola CUT e Adiante. O lider irmandinho José Manoel Beiras censura as primeiras medidas em materia de língua, ordenaçom do território e emprego do governo feixista de Alberto Núñez Feijóo, advertindo de que o PPdeG "vai a por todas": "Já avisei non seu momento de que isto nom ia ser umha Junta, senom umha companhia de demolições" [GZnación, 30-ABR-09].

Como vedes nom sou eu quem alcunha o Feijóo de Demolition Man. Outros alcunhadores com mais autorictas do que eu figeram-no antes... e quedou-lhe!

O presidente da Junta nom é Sylvester Stallone. Tampouco um é silvestre estalom (estalote, estralote, riquilicroque and many more) mas já está a ponto de estourar. Feij009 leva pouco mais de meio ano no cargo (tomou posse em 18 de abril) e estamos já de saco cheio 2010.