|
|
Segunda, 24 de Agosto de 2009Mais putas que as galinhasUmha exclusiva de...
Ano Rosso Quintana ![]() O passado mês de agosto, com aleivosia e estivalidade, o consejero de instrución bilingüe Jesús Vazquez, e a consejera de políticas de austeridad Beatriz Mato perpetrárom a anunciada mudança de imagem das perigosas galescolas, sinistros estabelecimentos onde cativos apenas destetados sofriam a inoculaçom dumha abjecta ideologia denominada língua galega, mediante a qual alcançavam a imediata capacidade de fabricar bombas-lapa, mas a risco de sofrerem graves lesons cerebrais que impediriam a esses mesmos rapazes assimilarem a matemática, as ciências naturais e a religiom, úteis saberes que os nenos españoles dominam perfeitamente. O nome de "Galescolas", certamente evocador, e a sua casinha "blissymbol" com bandeira galega, será substituído (mediante umha austera medida que custará 22.000 euros só em cartazes), polo inócuo, simpático e divertido nome de "A Galiña Azul". A razom que leva a identificar um infantário con esta aprazível ave da familia dos faisánidos tingida dessa insólita cor é algo que nom se pode explicar cabalmente. É surrealismo puro, e como tal devemos apreciá-lo. Quiçá iniciem umha tendência a baptizarem os centros de ensino com outros nomes igualmente absurdos, como "o osso libidinoso" ou "a sardinha esparrada". Talvez "Os nhus do Serengheti" seja o próximo nome dos centros da ESO. Há quem pensa que o novo nome tem a ver com um livro de contos escrito polo finado do Carlos Casares, Deus o tenha sentado a carom do seu silhom (também) azul. De facto, a conselheira Mato afirma que "pagará" à família Casares pola sua "capacidade criativa" (sic!). Mas deve haver um erro: Carlos Casares publicou "A Galiña Azul" em 1968, como um conto dirigido a umha nena chamada Ana que deixara a súa Galiza natal para ir viver com seus pais a Santander. No conto em galego ("a túa lingua" di Casares à nena) saía umha galinha azul, que punha ovos de cores. A pobre da pita sofria as iras do alcaide, que a quería levar presa por cacarejar "cocorocô" em vez de "cacaracá", até que os seus paisanos decidírom pintar todas as galinhas de azul para confundirem deste jeito as forças da ordem e evitar o assédio policial. Os alcaides do ano 1968 eram-vos assim, que nom deixavam nem cacarejar na língua própria. Algum haverá mesmo que ainda exerce desde aquela época. E decerto que som do mesmo partido que os conselheiros. Por isso nom cremos que exista relaçom entre o conto de Casares e os conselheiros surrealistas. Era um conto escrito para estimular o amor pola língua galega, assim que ou bem nom o lêrom, (o qual non é grave, pois os dous conselheiros nom parecen adeptos à literatura infantil) ou bem nom o entenderon (ora por estar en galego, ora por non serem quem de entenderem un livro para nenos). Ainda que a mesma viúva de Casares estivesse presente no acto, lembrando sem rubor que nesse livro está "todo o pensamento do seu autor". Que todo o pensamento dum escritor poida condensar-se num livro infantil é um elogio ao alcance de mui poucos. "A galiña azul" pretende, em palavras do conselheiro, "formar a ciudadanos librepensadores, portadores de derechos universales y actores protagonistas de la libertad que debe caracterizar una democracia sólida como la nuestra". Crianças de três anos convertidas em cidadaos livre-pensadoras? Actores protagonistas dumha democracia sólida? A pedagogia destes renovados centros deve ser pa flipar! Como o vam conseguir? Pois segundo a conselheira, era "imprescindible" umha mudança de imagem da rede de escolas infantis, "alejada de la confrontación y del debate ideológico". Umha escola sorridente com umha bandeira galega, como a que tenhem na porta todas as escolas do país, é para ela umha imagem perniciosa. Segundo ela, a educaçom infantil deve ser um "espacio libre de instrumentalización y del adoctrinamiento político (...) y que no les adjudique a los niños una identidad preestablecida". Admitirám nenos baptizados pola Igreja?. A nova imagem pretende ser "amable" e "identificativa" das primeiras etapas formativas (sic), "en libertad, en igualdad, en diversidad, en solidaridad, en tolerancia..." A muita gente que nom leu Casares as galinhas azuis lembram-nos outras cousas. Surrealismo puro.
11 comentários
Comentário de: Ano Rosso Quintana [Membro]
Despois que o disputador deputado Peito Lobeira comparara a galinha azul coa aguia franquista, e nos pisara a piada, nom tinha mais remédio que rachar a nossa tregua e publicar este rascunho que tinhamos no "frigidarium".
Quinta, 27 de Agosto de 2009 @ 12:02
Comentário de: koroshiya.itchy [Visitante] · http://koroshiyaitchy.wordpress.com
Mola, mola, mola la gallina española A mi mes gusta mucho casi más que el aguilucho
Quinta, 27 de Agosto de 2009 @ 13:54
Comentário de: Franco Vicetto [Membro]
Librepensadores? No quiero que mi hijo salga de la galinhola hecho un Voltaire.
Sexta, 28 de Agosto de 2009 @ 14:46
Comentário de: Cacheiruda [Visitante]
Muito bom! Nom lera esse conto, admito-o, obrigada pela informaçom. Ja nom sorprende os absurdos em materia de política lingüistica no que os "actores da democracia" se regodeam nos ultimos anos, ... O que me sorprende é como vai mudar tanto a educaçom primaria só com um cambio de look (nom diciam que era o único que reformavam?) Acho que subestimei o poder da imagem ...
Sexta, 28 de Agosto de 2009 @ 15:20
Comentário de: A Galiña Azul [Visitante] · http://agalinaazul.blogspot.com/
Fostes retratados en http://agalinaazul.blogspot.com/2009/08/so-puidemos-escoller-unha-pero-tinamos_28.html
Sexta, 28 de Agosto de 2009 @ 15:24
Comentário de: disque-disque [Visitante]
Sabem algo desse rumor sobre o suposto romance entre a galiña azul e el kiriko? é amor ou vai ser uma voda como as de antes?... http://www.kirikonatura.com/
Sexta, 28 de Agosto de 2009 @ 19:24
Comentário de: Pintinho Amarelinho [Visitante]
No Brasil lá pelos 80s também tentaram empregar uma galinha azul na educação infantil. Não funcionou e os resultados foram arrepiantes até o ponto de todos os envolvidos naquele projeto , ainda hoje, renegarem desse passado. Imagens duma aula duma Galinhazulescola: http://www.youtube.com/watch?v=TTv83D1_5BU
Sexta, 28 de Agosto de 2009 @ 22:24
Comentário de: Marinha [Visitante]
Bua!! Realmente mui boa a entrada!! Encantou-me!! Nom pudem evitar sorrir!! Vaia! Menos mal que ainda existe o humor!
Sexta, 28 de Agosto de 2009 @ 23:19
Comentário de: disque-disque [Visitante]
Podem confirmar se os que saem no video de Pitinho Amarelinho sao os altos cargo da Conselharia de Educaçao fazendo o ensaio geral na Dona Dana de Touro do tema que vai sustituir o apaga o candil do Luar? ou o video foi tirado do último congresso regional do PP? sao tantas as incógnitas...
Sábado, 29 de Agosto de 2009 @ 10:21
Comentário de: disque-disque [Visitante]
Parece confirmado que o video foi tirado da tvg, do luar... Mais um exemplo do Gayoso, concretamente no fim do programa de ontem... http://www.youtube.com/watch?v=sMGPK3sZGlE Aqui tive acceso ao programa piloto do novo magazine das tardes da galega http://www.youtube.com/watch?v=Du22k_4E7OY Tambem serao feitos câmbios na programaçao infantil http://www.youtube.com/watch?v=XLANvKYA7fE http://www.youtube.com/watch?v=xgpn6U2uCQw&feature=related Desde a conselharia querem extender o espírito da galinha azul a todos os niveis educativos, alguns professores ja começaram a fazer o seu trabalho http://www.youtube.com/watch?v=tSpf-65VHYg Umas alunas nas aulas de literatura galega http://www.youtube.com/watch?v=fGnbGGClcxg&feature=related Os alunos estao muito contentes com a galinha azul http://www.youtube.com/watch?v=zoFhF-90Pnc
Sábado, 29 de Agosto de 2009 @ 10:33
Deixe o seu comentário |
| ||||