Chamai-me "reformista" se queredes mas teredes que admitir que o governo bipartido também tivo cousas boas.

Sem dúvida umha delas foi Aberto por Reformas, o programa dirigido e apresentado polo Jurjo Souto na Rádio Galega.

Follow up:

Mas Aberto por Reformas foi umha de tantas boas cousas que no passado 1º de Março se perderam como lágrimas na chuva. Tínhamos que escolher entre o Aperturismo-Reformista e o Feixismo e fomos eleger Alberto Núñez feij009. E é que somos assim e nom há soluçom!

Agora merda! Agora o único que nos resta é, impotentes, assinarmos manifestos e ladrarmos o nosso rancor polas esquinas (como dixo aquele poeta pucelano) que semelha que para outra cousa nom valemos.

Para mandar já estám eles, os de sempre, que sabem bem como fazê-lo. Caralho se sabem!

Para amostra um botom

Na Rádio Galega ao bom e generoso do Jurjo Souto levarom-no "por diante". E nom contentes com isso pugeram um inimigo seu (o Susto, aliás, o Justo López Carril) a apresentar o seu programa. Polos vistos o Susto, aliás, o Justo tivera algumha pequena diferença com o Jurjo (Chefe de Programas da RG durante o bipartido) que o levara a demetir-se como diretor e apresentador do matinal Um Dia Por Diante. A vingança é um prato que se serve melhor frio.

Ao que parece o Chus Tolo Pesca-Ril dedica-se a desvirtuar o programa, sem mudar o nome nem a sintonia do mesmo (by A Matraca Perversa + Ugia Pedreira), programando música anglo-saxónica em vez da música pan-galaica (leia-se galega e do resto da Lusofonia) que era a sua razom de existir. Aberto por Reformas é agora Alberto por Reformas.

Contra esta nova aldraje a cena musical galega já começou a organizar-se. Já é possível assinar on-line o Manifesto Básico pola Defesa da RTVG - Contra a censura e a marxinación da música galega e para este vindouro Sábado, 13 de Junho de 2009, a partir das 12h30 (hora pequeno-imperial), está convocada umha Assembleia Aberta na compostelana Sala Nasa.