Isabel Bazo entrega Prémio 'José Manuel Álvarez' ao Jesús Vázquez.
Repare-se bem na esquina inferior-direita da foto [Foto: ABC].

Opus Gay premeia conselheiro de (Má) Educaçom e Ordenaçom Universitária Jesús Vázquez "por haberse destacado en el reconocimiento de las familias a educar a sus hijos conforme a sus convicciones".

Follow up:

Jesús a dous milímetros escassos da tua língua Vázquez recebeu o prémio «José Manuel Álvarez de Libertad de Enseñanza» no decurso dum sarau organizado polo opusino e sex-gregacionista Colégio de Fomento Monte Castelo e celebrado ontem à noite no Centro Social Caixa Nova de Vigo.

O Acto Academico de Imposición [sic] de Becas de Honor y Graduación dos 62 alumnos da XXIX promoçom de Formaçom Profissional do Colégio Monte Castelo em que se enquadrou a entrega do prémio a Herr Otto Flick a.k.a. Jesús Vázquez, estivo presidido polo luso-descendente conselheiro de Economia e Fazenda, El Niño Javier Guerra.

Durante o mesmo impuseram-se [sic] também suas respetivas becas de honor ao Pierre Ianni, diretor da fatoria da Citroën em Vigo, e ao presidente da Confederaçom de Empresários de Ponte-Vedra (CEP), José Manuel Fernández Alvariño.

O prémio «José Manuel Álvarez de Libertad de Enseñanza» --recém criado pola Federación Autonómica de Centros de Ensino Privado, pertencente à Confederación Española de Centros de Enseñanza (CECE), na memória do seu recentemente falecido presidente-- foi-lhe entregado ao mal-educado conselheiro pola presidenta da CECE, Isabel Bazo.