O passado dia 6 de novembro de 2009, SOQNF fazia público o facto de que a Subdelegaçom do Governo pequeno-imperial na Corunha tramita um expediente sancionador contra o toureiro e o picoleto que participárom na comparsa ridiculista que se deu em chamar-se Bilingüismo Mister Marshall, no passado 8 de fevereiro.

Pois bem, quase um mês mais tarde, estamos em condiçons de actualizar a informaçom. E com boas notícias! Com efeito, um dos denunciados recebeu recentemente a proposta de resoluçom do procedimento, assinado pola funcionária instrutora. Após ponderar as versons fornecidas pola polícia pequeno-imperial e os ridiculistas, conclui afirmando que, ao existirem dúvidas razoáveis sobre a responsabilidade dos factos, nom fica enervado o direito fundamental de presunçom de inocência dos imputados, o que aconselha o arquivo do expediente.

SOQNF congratula-se desta vitória jurídica do movimento ridiculista frente às infundadas e caluniosas acusaçons do Corpo Nacional de Pitufos, que confirma a validade da nossa estratégia definida no Manifesto cruel e poderoso, mesmo do ponto de vista do direito pequeno-imperial. Isto merece umha celebraçom ao melhor estilo Laporta --com luz (de gas) e taquígrafos-- e a recuperaçom do hino dos estudantes compostelanos nas revoltas de 1968: venceremos nós!