Há uns dias o câmara da cidade herculina decidia a retirada 53 símbolos franquistas das ruas da cidade. Porém a medida foi criticada e rejeitada polo grupo do Partido Popular em Marineda, que afirmou que a retirada ou substituiçom de homenagens a colaboradores e proceres do regime fascista era umha "bufonearia" e um processo "sectário e excludente". A primeira reacçom dos redactores de Sei o que nos figestes... nos últimos 525 anos foi chamar, mais umha vez, os bombeiros para que comprovassem se as tubagens do gás na sede do PPdGdL'C seguiam sem fugas.

Mas parece que nom estám sozinhos nestas consideraçons. Em declaraçons para o Xornal de Galicia o Coronel Navas (director do museu militar da Corunha) afirmava que "Seria una pena privar a los niños de la ciudad de la estatua de Millán[Astray]". Desta os bombeiros e a companhia de gás respondêrom com formas pouco educadas.

Actualizaçom 11-Sep: Carlos Negreira insiste e di o homem era "um corunhês de proveito"

Polas notícias que chegarom até a nossa redacçom alguns movimento corunheses como Con L de Libertad, Corunha Liberal, Mesa por la Libertad Lingüística ou a pouco conhecida: "Arrancareis la L de mis brazos frios y muertos") estám a trabalhar numha obra audiovisual para que os nenos nom perdam a diversom e o deleite proporcionado pola figura do ciclópeo corunhês.

O primeiro volume inclui capítulos como:

1- Olá sou Mimillan! /¡Hola soy Mimillán!
2- Apressento-vos a Francisquinho! / ¡Os presento a Francisquito!
3- O meu mascote Cabritinha! / ¡Mi mascota Cabrita!
4- A morte é a nossa amiga / La muerte es nuestra amiga
5- Goza com a castidade / Disfruta con la castidad
6- Imos para Lisboa Maria Rita / Vamos para Lisboa Maria Rita
7- U-lo olho de Mimillan? / ¿Dónde está el ojo de Mimillán?
8- U-lo braço de Mimillan? / ¿Dónde está el brazo de Mimillán?
9- Inteligência Caca! / ¡Inteligencia caca!
10- Ti também podes ser um fascista / Tu también puedes ser un fascista

Inclui umha versom de Macaco!

Nota: Os integrantes de Sei o que... preferimos que os nenos galegos vejam "A Galinha Pintadinha", claro.