Em 18 de abril de 009, na vindoura segunda-feira fará dous anos, a hoje eurovisiva Lucía Pérez interpretava o Hino Galego no Obradoiro, acompanhada pola Real Banda de Gaitas da Deputaçom de Ourense. Fazia-o no decurso da cerimônia de tomada de pose do flamante novo presidente da Junta de Galiza, Alberto Núñez Feijóo, que tinha sido eleito naquele fatídico 1º de março (Domingo de Pinhata).

Na vindoura segunda-feira, 18 de abril de 2011, arremedando A Revoluçom das Batatas Fritas protagonizada pola mocidade da Bélgica, os galegos e as galegas iremos para a rua fazermos a nossa própria revoluçom, a Revoluçom das Patatilhas, celebrando que nesse dia completaremos 2 anos sem governo (dous anos perdidos, um autêntico “biênio negro”, em que ONP preferiu continuar a exercer como líder da oposiçom, “passando olimpicamente” de assumir as suas responsabilidades como chefe do governo galego).

Vai ser um festom. E, como em toda festa que se preze, as gaitas nom deviam faltar. Mas infelizmente o nosso orçamento nom dá mais que para comprarmos umha bolsa de patatilhas (estamos em cRísi). Para contratarmos a Real Banda de Gaitas da Deputaçom de Ourense (ou qualquer outra banda de gaitas, real ou virtual), evidentemente, nom dá. Assim que precisamos é, mais umha vez, da vossa desinteressada colaboraçom.

Precisam-se gaiteir@s (e quem di gaiteir@s di pandereteir@s, tamborileir@s, bombeir@s...) voluntári@s para pôr a nota musical à quedada que, com motivo dos dous anos sem governo que nesse dia completaremos, vai ter lugar no Obradoiro. Para já, muitíssimo obrigado pola vossa indispensável e desinteressada colaboraçom

2 ANOS SEM GOVERNO
NEW OLYMPIC RECORD
Segunda-feira, 18 de abril de 2011
20h00*
Praça do Obradoiro
Santiago de Compostela

* Hora pequeno-imperial (menos umha hora na Galiza e Portugal)
** Nom esqueças levar a tua bolsa de batatas c-Risi (“Bonilla a la vista”, “Patatotas” ou assim).

Para saber mais:

- 18-A: 2 anos sem governo (SEX, 18-MAR-2011)

- Como na Bélgica! (TER, 29-MAR-2011)

- 18-A: A Revoluçom das 'Patatilhas' (TER, 05-ABR-2011)

- Evento 2 ANOS SEM GOVERNO no Facebook.

- Evento 2 ANOS SEM GOVERNO no Tuenti.