1486-2011
Eurovisom 2011
Clube de Fãs - Galiza
Começámos?
Caminho a_Teu
Algumhas manifes e actos pre-ridiculistas no Entrudo
[Foto: Aguilhoar]
Para a nossa delícia e desfrute muitas organizaçons e colectivos do país convocam para estes dias de Entrudo - que começara o passado Sunday, Pottery Sunday- diferentes actos, comparsas e festas de carácter esmorgueiro e burlesco, sem perderem um pouquinho do seu fundo.
Resposta:
Entre outras referenciamos:
O C.S. A Esmorga de Ourense que anuncia o seu Entrudo's Party:
La Parranda's Blog - Se hace saber que este Friday 12 de Febreiro a partir das 22h en La Parranda (anterior CS A Esmorga) celebraremos a regional party do Entroido!
A temática deste ano será nacional-popular-ridiculista, assim que ya sabeis, we have to venir representado some personxe do nuestro amado impérico hispánico. Singers, Policeman, Bishops, all está permitido y admitido.
Non faltará la Queimada em Paelheira, el Late night Guateque in vivo ni el discurso de our loved presidente de la Xunta.
O C.S. A Gentalha do Pichel de Compostela, e a sua Comparsa Anti-turística:
NO SÁBADO: primeiro o cozido e depois... comparsa! Veste-te de "turista invasor" e vem cantar com a comparsa da gentalha! Saímos às 18h00 do Pichel, mas antes estaremos ensaiando as cançons.
SEXTA 12, ÀS 21H30, ENSAIO GERAL COM GUITARRAS. PRECISAMOS VOZES!!!
Temos informaçons de Galiza Nova - Lugo está a preparar algo também, mas nom o podemos concretizar mais.
Estamos encantados com que o humor e a paródia estejam tam introduzidas já no calendário de actos das organizaçons galegas. Com todo na última reuniom no clube de cavaleiros, e damas, de Sei o que nos Figestes... Nos Últimos 525 Anos tivemos um debate interno sobre umha questom que se pode resumir em "Convocar actos ridiculistas em Entrudo é como organizar procissons em Semana Santa" em palavras do camarada Alfredo Tascas. Mas com isto nom queremos criticar nem desalentar as iniciativas antes citadas, e todas as que os nossos leitores podam referenciar, aliás todo o contrário: está bem começardes com estas actividades sob o manto acolhedor da licença social das festas pre-quaresmais. É um primeiro passo cómodo, mas tem-se que estender todo o ano! Seja em forma de burla do opressor , emprego do humor em toda a sua extensom, relativizamento da questom nacional, e sobretodo na forma última e mais pura do movimento esmorgueiro-galegueiro: o ridiculismo, a auto-parodia total.
Como herdeiros amorais da defunta VA-CA (antiga peseta, ilegalizada Batasuna, etc.) temos que vindicar um dos PABs (Princípios Axiomáticos Básicos) dos nossos senlheiros antergos (antiga peseta, ilegalizada Batasuna, defunta VA-CA...):
"Saber rir sem problemas e, evidentemente, de nós mesmos/as, é condiçom básica do movimento vaqueiro anti-colonial. Na VA-CA luta-se rindo. Sem um radical e verdadeiro sentido do humor nom se pode ser da VA-CA. Existe umha cheia de organizaçons que vos podem acolher se achardes que com a nossa causa nom se pode fazer brincadeira."
E com estas sábias palavras remato. E lembrai! Ride dos espanhois, mas também ride de vós mesmos!
5 comentários
para a proxima seguiremos os vosos pasos e consellos maestros do ridiculismo!!!
En Lugo tamén se está a preparar unha boa:
http://amesalugo.blogspot.com/2010/02/antroido-trilingue-os-choqueiros-do.html
ANTROIDO TRILÍNGÜE: Os Choqueiros do Decretazo ou Terzos de Galegos
PROPOSTA DA MESA POLA NORMALIZACIÓN LINGÜÍSTICA AOS DEMAIS INTEGRANTES DA PLATAFORMA QUEREMOS GALEGO
- Formación dunha Comparsa de Entroido que levaría o nome de 'Os Choqueiros do Decreto' co obxectivo de denunciar e rediculizar o decreto do galego no ensino que pretende aprobar o Goberno do PP na Xunta
A idea sería denunciar as consecuencias da súa aprobación e aplicación, é dicir, caricaturizar "a sociedade galega pos-decreto".
Para iso, cada integrante deberá ir vestido ao 30% con prendas e complementos típicos galegos, españois e ingleses. Por exemplo: sombreiro de policía londinense, traxe de toureiro e zocas galegas. Caben infinitas posibilidades, tan só dádelle aos miolos porque todas as combinacións son posibles, a única idea é cumprir a subrealista miscelanea do 30% que nos dilúe como galegos e galegas.
A Mesa propón constituír esta Comparsa de Entroido baixo o paraugas de Queremos Galego, como un acto máis da Plataforma, o máis ampla posible en canto a xente para percorrer as rúas de Lugo o luns e o martes de entroido. Para completar o acto de denuncia-festiva poderíanse ensaiar coplas alusivas pra ir cantando e mesmo repartir algún tipo de octavilla.
Para pechar os detalles desta actividade así como para pór en común ideas e preparar toda a intendencia, CONVÓCASE A TODAS AQUELAS PERSOAS OU COLECTIVOS INTERESADOS EN PARTICIPAR A UNHA XUNTANZA QUE TERÁ LUGAR ESTE XOVES DÍA 11 DE FEBREIRO ÁS 20:15 HORAS NO CENTRO XUVENIL LUG (Rúa Pintor Corredoira -Lugo-).
Sábias palavras, com efeito. Acrescentar apenas que em parceria com @s noss@s amig@s d'A Gentalha (Compostela) e d'A Esmorga (Ourense) co-organizamos, respetivamente, a 1ª e a 2ª Fiesta Españhola
A de Galiza Nova de Lugo consiste nunha manifa ultra-españolista, que sairá o domingo ás 18h de diante do Concello de Lugo e andará a pasear polas rúas da cidade, á cal está convidad@ quen quixer defender con orgullo a sagrada patria española. Só se precisa ir con vestimentas típicas do pequeno imperio e con moitas ganas de festa.
Grazas pola vosa mención.
No Rio de Janeiro, a escola de samba União da Ilha também levou o ridiculismo ao carnaval mais importante do mundo:
Primeira a desfilar no Rio, União da Ilha ‘materializa’ sonhos de Dom Quixote
Feed dos comentários para esse post.
Comentárom: