Antontem, terça-feira 27 de janeiro, podíamos ler na trigésimo quinta página do jornal Galicia Hoxe o seguinte e chocante cabeçalho: Galicia Bilingüe pídelle ao BNG que apoie a súa manifestación.

Incrível mas certo. Segundo A Nossa Terra Diário (que de maneira mui parecida intitulava: Galicia Bilingüe pídelle ao BNG o seu 'apoio expreso'): “O colectivo contrario á promoción do galego no ensino inclúe os nacionalistas entre os partidos aos que lle solicita respaldo para a súa manifestación na capital de Galiza a próximo fin de semana”.

Com efeito, se um entra no site de Galicia Bilingüe encontra umha nota de imprensa, monolingue em castelhano, que di assim:

Galicia Bilingüe solicita el apoyo expreso de los partidos a la manifestación del día 8
Vigo, 26.01.2009
El lema de la marcha es “Galicia es bilingüe. Quiero libertad para elegir
La asociación Galicia Bilingüe contactará con los principales partidos políticos que concurren a las próximas elecciones autonómicas para solicitarles el apoyo expreso a la manifestación que se celebrará el próximo 8 de febrero en Santiago de Compostela en defensa de la libertad de elección lingüística (...)

Por enquanto nom se sabe o que respondeu o Bloco mas ao apoio dos UpeyDeyros (anunciado no seu blogue e em Chuza.org nesta passada terça-feira) há que somar o da Charanga NBGá que em comunicado enviado à última hora de ontem à nossa redacçom (o primeiro comunicado que recebemos! Que emoçom! ) anuncia o seu “inequívoco apoio” à manifestaçom que Galicia Bilingüe convocou em compostela para o vindouro 8 de fevereiro, Domingo Oleiro.

A Charanga NBGá (No a la Batasunización de Galicia, segundo algumhas fontes, e Nom Bebemos Gasosa, segundo outras) marcará presença, portanto, numha manifestaçom que às portas do Entruido e da campanha eleitoral, promete ser umha das mais animadas que se tenham visto na aldeia Compostelana nos últimos tempos. De nom perder!

Nom à Batasunizaçom da Galiza (NBGá)

Vamos ver. Alguém devia explicar ao pessoal de Galicia Bilingüe que isto, Galiza, nom é Euskal Herria (parece-me que vou ter de fazê-lo eu). Aquí, na Comunidade Autónoma de Galicia (C.A.Ga.), a diferença dalí, na C.A. de Euskadi, as eleições auto-anêmicas do vindouro 1º de março som umhas eleições livres. Aqui nom é como alí. Aqui há liberdade para eleger (“escolher ou ser escolhido por votaçom”). Alí nom. A que vem, daquela, o segundo lema da manifestaçom, “quiero libertad para elegir”? Liberdade para eleger já tens! Se fosses basca ou basco nom tinhas, mas tens a sorte (ou o azar) de seres galeg@! liberdade de eleiçom já tens! Quem batasuniza Galiza, daquela? NÓS ou vós!? Vós, é claro que sodes vós!

Que mais queredes?!? Liberdade de escolha??? Também a tendes! “Galicia es bilingüe” (como vós próprios dizedes no lema da manif do dia 8) e (vejam-se nota de imprensa e lema) escolhedes o espanhol...