Desde que apareceram os primeiros movimentos galegofóbicos de nuevo cuño como Tan Gallego Como el Gallego(#), após anos de luta solitária dos míticos AGLI, suspeitamos que nom eram sérios de todo. Havia algo que nom calhava. Muitas tenhem sido as demostraçons de que Galicia Bilingüe ou a MLL som a expressom última da nossa retranca. Hoje temos a definitiva.

Resposta:

Dentro desse programa de humor e ridiculísmo enmarca-se a sua campanha de visita aos museus da Galiza na procura de informaçons monolíngues. A demonstraçom de que o único que pretendem é encher o livro de assinaturas de comentários humorísticos foi enviada por umha anónima trabalhadora do Museu do Povo Galego:

"Como Español es una vergüenza que todo este escrito en Gallego y no en La Lengua del Imperio y de Cervantes es una desonrra Viva España"

Reparem na total ausência de pontoaçom e a pérola em negrito. Um seguidor de GB regala este parágrafo de puro humor a todos os nossos leitores. De seguro que nom será a única. Que genialidade! Umha campanha ridiculista para marcar todos os templos do saber da Galiza!

Por isso pedimos a colaboraçom d@s noss@s leitoras/es. Quando visitem algum museu dediquem uns minutos para ler as assinaturas e fotografar algum desses grafitos poéticos. Aliás fagam as suas próprias achegas! Desde SOQNF recomendamos qualquer cousa assim:

HOYGAN EN ESTE MUCEO NO SE HENTINEDE NOCIN. HESCRIVAN VIEN. GRASIAS DE ANTEBRASO
HUN HESPAÑOL DE BERDA
GALICIA VILINGE RULZZZ!!!111