Traduzindo para o galego cerrado o lema original valenciano, catalám ... (chamemos-lhe polaco, és més senzill) a Gentalha do Pichel tirou meses atrás umhas "bandeiras contra a visita à Galiza do Papa Bento XVI" com o lema EU NOM TE ESPERO.

O lema escolhido pola Gentalha (EU NOM TE ESPERO) nom está mal mas nom é mui original que digamos. Como digemos é umha simples traduçom de "JO NO T'ESPERE" (lema escolhido polo movimento social contrário à visita que o Papa fijo em julho de 2006 ao País Valencià com motivo do V Encontro Mundial das Famílias) que por sua parte era umha resposta a "BENEDICTO XVI, TE ESPERAMOS" (lema oficial que as instituições valencianas escolheram para receberem o Papa).

A principal virtude da resposta gentalheira é a sua rapidez. Quando ainda faltam quase quatro meses para a visita relâmpago (8 horas, 4 milhões de Euros) que no sábado 6 de novembro o Papa Ratzi fará a Santiago de Compostela (e a falta de conhecermos qual será o lema oficial) as tais bandeiras já podem ser vistas em muitas janelas e varandas da cidade.

Mas se @s noss@s amig@s da Gentalha nos tivessem perguntado a nós diríamos-lhes, como El Jueves, que nós tínhamos mais capas bandeiras anti-Papa. Por exemplo:

MANIFESTO: Bento XVI, nom te esperamos!
[ASSINA-0 AQUI]