Como já figeram Xornal de Galícia e Galícia Hoxe no dia a seguir ao evento, no sábado 28 de agosto, é dizer, há hoje duas semanas, o jornal viguês Faro de Vigo também se fijo eco da Apostasia Antes do Apóstolo (AAA), apostatada coletiva convocada por Sei O Que Nos Figestes... em 23 de julho, dous dias antes do Dia de Santiago.

Para além de noticiar a AAA, na sua reportagem em três partes (1. Ochocientos gallegos se divorcian de la iglesia; 2. Cuando el Papa llegue, algunos católicos se irán e 3. Carlos Olmedo, Apóstata vigués: "Lo pedí de buenas maneras, pero no querían borrarme") Jacobo Caruncho (jornalista de nome Xacobeo e xilófago apelido) dá em primícia a notícia do vindouro evento apostático que, sob o rótulo Foi-se com o Bento, convocará SOQNF antes do advento do Papa Bento XVI, previsto para o sábado 6 de novembro de 2010 (a data da apostatada está ainda sem afixar, permanecede atentas/os aos vossos ecrans).

O nosso sincero agradecimento ao amigo Jacobo Caruncho e ao jornal Faro de Vigo pola difusom.

NOTA: "Papel de faro" é umha metonímia por "papel de jornal" ou "papel imprensa" empregue, ainda que cada vez menos, na área de influência do jornal Faro de Vigo ("En Vigo, utilizábase [...] Faro de Vigo para calquera xornal (así dábase o caso de quen avisaba ó saír de casa "vou mercar o Faro!" e volvía co ABC). Este uso aínda subsiste na xente maior." http://gl.wikipedia.org/wiki/Metonimia).