Há poucos dias, a imprensa séria do País dava conta de umha notícia bem singular: a Junta patrocina umha exposiçom sobre extraterrestres. Embora patrocinada polo governinho feijoano, será para uso e desfrute do público mais aguerrido, pois esta exposiçom andará pola capital do Império Pequeno.

Segundo informações jornalísticas, este evento intitula-se El Diseñador de Especies, e baseia-se num livro de Herikberto M.Q., a.k.a. Heriberto Muela Quesada, em que se afirma que a evoluçom das espécies no cosmos é muito similar, ideia que exploram o seu trabalho e a amostra, mas também outros sucessos, relata GC:

O propio autor asegura deste libro que “está inspirada en la propia vida del artista, y tiene un transfondo realmente misterioso; puesto que relata extrañas experiencias juveniles que tuvo el autor y su familia con una civilización extraterrestre”.

Nom deixa de ser lamentável curioso que esta nova seja, no tempo, mais ou menos paralela do desmantelamento do sistema de I+D+i galego, com reduçom de bolsas e do orçamento destinado à investigaçom... ou simultânea com as declarações de um exultante Feijóo atribuindo a poderes de outro mundo o suposto êxito do Jacobeu/Xacobeo. Para que investigar podendo crer, para que governar podendo rezar?

Mas se pensam que esta minha reflexom é umha chança (1, e novamente 1), andam bem erradas/os. Eu, mais bem, creio que é apenas o começo do que vai vir, um globo sonda para testar (in)sensibilidades, porque, como alertávamos no verão, caminham entre nós.

Enquanto o PPdG celebrava o ano da sua tomada do governo do país com umha festa mui galega -tanto como a habilidade dos presentes para evitarem responder incómodas perguntas sobre as finanças do partido e os pagamentos gürtel das suas campanhas eleitorais- umha boa quantidade de rapazes do país nom tinham mui claro o que ian jantar na volta do fim de semana.

Problemas de "encerramento de exercício" fam que a Xunta de Feijóo leve mais de três meses sem pagar os comedores escolares de quase 300 colégios. Há quartos para fazer e manipular inquéritos, mudar a imagem corporativa das escolas infantis e de todo lugar onde apareça algum resto do governo bipartido, pagar campanhas publicitárias milionárias para vender o "decreto do plurilingüísmo", a lobotomia e as drogas de Anxo Lorenzo e mil caralhadas mais... mas o pago aos comedores fica para "quando quadremos as contas".

A situaçom chegou para que algumhas escolas tenham que dar umha ementa de sandes aos meninhos como protesto. Ante a situaçom a conselharia de Xesús Vázquez tem preparada umha campanha de publicidade para acalmar os ânimos, aproveitando também as iniciativas das escolas. "Sinergia e austeridade, sinergia e austeridade".

Nota matemática: Com os 950.040€ do da campanha publicitária do decreto, e suponhendo que cada sande de meia baguette (de queijo "Oro del Valle" e jamom cozido de marca branca) sai por um euro, e que em infantil temos 64661, 127.027 em primária e 124024 em secundária... dá para fazer bocatas a todos os nenos escolarizados na Galiza durante três dias.

Os nossos contactos no interior de Sam Caetano filtraram informaçom sobre as próximas linhas de acçom da Xunta Feijooana: Depois da histórica manifestaçom do 21 de Janeiro, com 60.000 pessoas reunidas na Praça do Workshop-Obradoiro-Taller, que consideravam sob controle após a infiltraçom de três ou quatro agentes da divisom de bombeiros-toureiros pirómanos do aquartelamento de Soto del Real, Feijóo e os seus minions vem perigar parte da sua imagem pública. Por isso encarregaram uns rascunhos para umha campanha de publicidade institucional que translade os piares básicos do governo à mente da populaçom.

Mas umha vez o que escreve estas linhas infiltrou-se no boca do lobo, desta vez só com um disfarce de tonadillera e um garfo de prata do enxoval da boda do Conde de Lemos, para obter algumhas das provas de impressom desta campanha de alienaçom mental. Cá os resultados:

Leia mais »